ആട് സീരീസ് സിനിമകള്‍ മലയാളി സിനിമാപ്രേക്ഷകരെ ഏറെ ചിരിപ്പിച്ചിരുന്നു. മിഥുന്‍ മാനുവല്‍ സംവിധാനം ചെയ്ത സിനിമയുടെ ആദ്യ രണ്ട് ഭാഗങ്ങളും സിനിമാ പ്രേമികള്‍ സ്വീകരിച്ചിരുന്നു. ഇപ്പോഴിതാ ചിത്രത്തിന് മൂന്നാം ഭാഗം ഒരുങ്ങുകയാണ്. നടനും നിര്‍മ്മാതാവുമായ വിജയ് ബാബുവാണ് തന്റെ ഫെയ്സ്ബുക്ക് പേജിലൂടെ ഇക്കാര്യം ആരാധകരുമായി പങ്കുവെച്ചിരിക്കുന്നത്.
‘ഇന്ന് ആട് ഡേ ആണ്. ആട് 1 റിലീസ് ചെയ്ത ദിവസം, ആട് 2 എടുക്കാന്‍ ഞങ്ങള്‍ തീരുമാനിച്ച ദിവസം …എന്നാല്‍ ഇന്ന് തന്നെ പറഞ്ഞേക്കാം ആട് 3 വരും!’ വിജയ് ബാബു കുറിച്ചു …
ആട് സീരീസിലെ ആദ്യ സിനിമ ആട് ഒരു ഭീകര ജീവിയാണ് ബോക്സ് ഓഫീസ് പരാജയം നേരിട്ടുവെങ്കിലും ചാനല്‍ പ്രക്ഷേപണത്തിലൂടെയും സി.ഡി ഇന്റര്‍നെറ്റ് സിനിമയിലൂടെയും ജന സമ്മിതി നേടിയിരുന്നു. ആട് 2 വന്‍ വിജയമായതോടെ ഒന്നാം ഭാഗം വീണ്ടും തിയേറ്ററുകളില്‍ എത്തി. രണ്ടാം ഭാഗവും സൂപ്പര്‍ഹിറ്റായതോടെയാണ് ഇനി മൂന്നാം ഭാഗം എന്നുണ്ടാവുമെന്ന ചോദ്യവുമായി ആരാധകര്‍ രംഗത്തെത്തിയത്. ആദ്യഭാഗം റീലീസ് ചെയ്ത് 3 വര്‍ഷങ്ങള്‍ക്ക് ശേഷമാണ് അടിന്റെ രണ്ടാം ഭാഗവുമായി അണിയറപ്രവര്‍ത്തകര്‍ എത്തിയത്.
https://www.facebook.com/photo.php?fbid=10218367588763353&set=pcb.10218367589283366&type=3&theater
Post Your Comments