കോട്ടയം : വിവാഹവാഗ്ദാനം നല്‍കി യുവതിയെ നിരവധി തവണ പീഡിപ്പിച്ചയാള്‍ പിടിയില്‍. കൊല്ലാട് സ്വദേശിയായ നടപ്പറമ്പില്‍ കിരണ്‍ (29) ആണ് അറസ്റ്റിലായത്. പത്തനംതിട്ട സ്വദേശിനി നല്‍കിയ പരാതിയുടെ അടിസ്ഥാനത്തില്‍ കോട്ടയം പോലീസാണ് ഇയാളെ പിടികൂടിയത്.
രണ്ട് വര്‍ഷം മുമ്പ് യുവതിയും കിരണും അടുപ്പത്തിലായിരുന്നു. ഈ സമയത്ത് പ്രതി യുവതിയെ കൊല്ലാട്ടെ വീട്ടിലും വടവാതൂരിലും എത്തിച്ചു പലതവണ പീഡിപ്പിച്ചെന്നാണു പരാതി. തുടര്‍ന്ന് വിദേശത്തേയ്ക്കു പോയ കിരണ്‍ മടങ്ങിയെത്തിയപ്പോള്‍ യുവതി ഹൃദയവാല്‍വിന് തകരാറും മറ്റു രോഗങ്ങളുമായി ചികിത്സയിലാണെന്നറിഞ്ഞ് ബന്ധം ഉപേക്ഷിക്കുകയായിരുന്നു. കൂടാതെ കഴിഞ്ഞ മൂന്നിന് കിരണ്‍ മറ്റൊരു പെണ്‍കുട്ടിയെ വിവാഹം ചെയ്തു.
അതേസമയം ഒരാഴ്ചമുമ്പ് നഗരത്തിലെത്തിയ യുവതിയെ കിരണും പിതാവും കാറില്‍കൊണ്ടുപോയി മര്‍ദ്ദിച്ചവശയാക്കി ചങ്ങനാശേരി ബൈപാസില്‍ ഇറക്കിവിട്ടെന്നും പോലീസ് പറഞ്ഞു. ചങ്ങനാശേരിയിലെ സ്വകാര്യ ആശുപത്രിയില്‍ ചികിത്സ തേടിയ യുവതി ജില്ലാ പൊലീസ് മേധാവിക്കു പരാതി നല്‍കിയതോടെ കിരണ്‍ മൂന്നാറിലേക്കു കടന്നു. കഴിഞ്ഞ ദിവസം ബൈസണ്‍വാലിയില്‍ നിന്നും എസ്ഐ ടി.എസ്.റെനീഷിന്റെ നേതൃത്വത്തിലുള്ള സംഘമാണ് കിരണിനെ അറസ്റ്റ് ചെയ്തത്.
Post Your Comments