മൊഗാദിഷു: സൊമാലിയയില്‍ അമേരിക്കന്‍ സൈന്യം നടത്തിയ വ്യോമാക്രമണത്തില്‍ 62 അല്‍ഷബാബ് ഭീകരരെ വധിച്ചു. അമേരിക്കന്‍ സേനയാണ് ഇതു സംബന്ധിച്ച വിവരം പുറത്തുവിട്ടത്. സൊമാലിയയിലുള്ള ഗന്ധര്‍ഷിലുള്ള ബാനാദിര്‍ പ്രവിശ്യയില്‍ ശനി,ഞായര്‍, ദിവസങ്ങളിലായി ആക്രമണം നടത്തിയെന്നാണ് അറിയുന്നത്. രണ്ട് ദിവസങ്ങളിലായി 6 ആക്രമണങ്ങളാണ് ഇവിടെ നടന്നത്. ശനിയാഴ്ച നടന്ന 4 ആക്രമണങ്ങളില്‍ 32 ഭീകരരെയും ഞായറാഴ്ച നടത്തിയ ആക്രമണത്തില്‍ 28 ഭീകരരെയും ആണ് വധിച്ചത്. ഒറ്റപ്പെട്ട പ്രദേശങ്ങളില്‍ ഭീകരര്‍ പ്രവര്‍ത്തനം നടത്തുന്നു എന്ന വിവരത്തിന്റെ അടിസ്ഥാനത്തിലാണ് ഇവിടെ ആക്രമണം നടത്തിയത്. ആക്രമണത്തില്‍ സാധാരണക്കാര്‍ക്ക് പരിക്കില്ല.
Post Your Comments