ഉദ്യോഗാർത്ഥികളുടെ ശ്രദ്ധയ്ക്ക് : തൊഴില്‍മേള സംഘടിപ്പിക്കുന്നു

മെഗാ തൊഴില്‍മേള സംഘടിപ്പിക്കുന്നു. ആലപ്പുഴ ജില്ലാ എംപ്ലോയ്‌മെന്റ് എക്‌സ്‌ചേഞ്ചിന്റെയും കാര്‍മല്‍ കോളേജ് ഓഫ് എഞ്ചിനീയറിംഗ് ആന്‍ഡ് ടെക്‌നോളോജിയുടെയും സംയുക്ത ആഭിമുഖ്യത്തില്‍ ‘ദിശ 2018’ എന്ന പേരിട്ടിരിക്കുന്ന തൊഴില്‍മേള ഡിസംബര്‍ എട്ടിന് പുന്നപ്ര കാര്‍മല്‍ എന്‍ജിനീയറിങ് കോളേജിൽ നടക്കും. താൽപ്പര്യമുള്ള ഉദ്യോഗാര്‍ഥികള്‍ ബയോഡാറ്റയുടെ ആറ് പകര്‍പ്പ് , സര്‍ട്ടിഫിക്കറ്റുകളുടെ ഓരോ പകര്‍പ്പ് എന്നിവ സഹിതം ഡിസംബര്‍ എട്ടിന് രാവിലെ 8:30 ന് എത്തണം. മുന്‍കൂട്ടി രജിസ്റ്റര്‍ ചെയ്യാത്തവര്‍ക്കും അവസരമുണ്ട്. പ്രായപരിധി 40 വയസ്സ്. 

അന്‍പതോളം കമ്പനികള്‍ പങ്കെടുക്കുന്ന തൊഴില്‍മേളയില്‍ മൂവായിരത്തോളം തൊഴില്‍ അവസരങ്ങളായിരിക്കും ഉണ്ടാവുക. പങ്കെടുക്കുന്ന കമ്പനികളുടെ വിശദവിവരങ്ങള്‍ ഡിസംബര്‍ ആദ്യവാരം http://www.employabilitycentre.org എന്ന വെബ്‌സൈറ്റില്‍ പ്രസിദ്ധീകരിക്കും. രജിസ്റ്റര്‍ ചെയ്യാന്‍ ആഗ്രഹിക്കുന്ന ഉദ്യോഗാര്‍ഥികള്‍ ആലപ്പുഴ മിനി സിവില്‍ സ്റ്റേഷനില്‍ സ്ഥിതി ചെയുന്ന എംപ്ലോയബിലിറ്റി സെന്ററുമായി ബന്ധപ്പെടാവുന്നതാണ്. ഫോണ്‍ : 0477-2230624, 8078828780.