ന്യൂഡല്‍ഹി• ശാരദ സര്‍വകലാശാലയില്‍ നിന്നും കാണാതായ വിദ്യാര്‍ത്ഥി ഇഹ്തിഷാം ബിലാലിന് ഇസ്ലാമിക് സ്റ്റേറ്റ് ഭീകരസംഘടനയുമായി ബന്ധമുണ്ടെന്ന് ആരോപണം. ഒക്ടോബര്‍ നാലിന് ഗ്രെയിറ്റ് നോയിഡയിലെ ശാരദ സര്‍വകലാശാലയില്‍ വെച്ച് രണ്ട് വിഭാഗം വിദ്യാര്‍ത്ഥികള്‍ തമ്മില്‍ നടന്ന ഏറ്റുമുട്ടലിനെ തുടര്‍ന്ന് ഒന്നാം വര്‍ഷ മെഡിക്കല്‍ ഇമേജിങ്ങ് ബിരുദ വിദ്യാര്‍ത്ഥിയും കശ്മീരിലെ കന്യാര്‍ സ്വദേശിയുമായ ഇഹ്തിഷാം ബിലാലിനെ കാണാനില്ലെന്ന് വീട്ടുകാര്‍ പരാതിപ്പെട്ടിരുന്നു.ഒക്ടോബര്‍ 28 മുതലാണ് ഇഹ്തിഷാം ബിലാലിനെ കാണാതായത്.
എന്നാല്‍ കാണാതായി ദിവസങ്ങള്‍ പിന്നിടുമ്പോള്‍ ഇഹ്തിഷാം എകെ 47 തോക്കുമായി ഇസ്ലാമിക് സ്റ്റേറ്റ് ഭീകരസംഘടനയുടെ പതാകയ്ക്കു മുമ്പില്‍ നില്‍ക്കുന്ന ഫോട്ടോയാണ് സമൂഹമാധ്യമങ്ങളില്‍ പ്രചരിക്കുന്നത്. ഇതു വഴി യുവാവ്‌ ഭീകരസംഘടനയില്‍ ചേര്‍ന്നു എന്ന തരത്തിലുള്ള പ്രചരണങ്ങളും സമൂഹമാധ്യമങ്ങളില്‍ നടക്കുന്നു.
Post Your Comments