ഭോപാല്‍•ആളൊഴിഞ്ഞ സ്ഥലത്ത് നിര്‍ത്തിയിട്ട കാറിനുള്ളില്‍ അനാശ്യാത്തില്‍ ഏര്‍പ്പെട്ട മൂന്ന് പേരെ സിറ്റി പോലീസ് അറസ്റ്റ്ചെയ്തു. കഴിഞ്ഞ ദിവസം ഒരു റെസ്റ്റോറന്റിന് സമീപം ഒഴിഞ്ഞ സ്ഥലത്ത് പാര്‍ക്ക് ചെയ്തിരുന്ന കാറില്‍ അനശാസ്യത്തില്‍ ഏര്‍പ്പെട്ട ഒരു യുവതിയേയും രണ്ട് യുവാക്കളെയുമാണ്‌ പിടികൂടിയത്.
മഹാരാഷ്ട്ര സ്വദേശിനിയായ യുവതിയും (പേര് വെളിപ്പെടുത്തിയിട്ടില്ല) ഭോപാല്‍ സ്വദേശികളായ ദിലീപ് കുമാര്‍ ഗോയല്‍ (32), അര്‍ജുന്‍ പാല്‍ (28) എന്നിവരുമാണ് പിടിയിലായതെന്ന് പോലീസ് പറഞ്ഞു.
തന്റെ വീട് കേന്ദ്രീകരിച്ച് പെണ്‍വാണിഭം നടത്തിവരികയായിരുന്നുവെന്ന് ഗോയല്‍ പോലീസിനോട് സമ്മതിച്ചിട്ടുണ്ട്. യുവതിയെ നഗരത്തിലേക്ക് വിളിച്ചുവരുത്തുകയായിരുന്നു.
5,000 രൂപയും മൂന്ന് മൊബൈല്‍ ഫോണുകളും ഗര്‍ഭനിരോധന ഉറകളും പോലീസ് ഇവരുടെ പക്കല്‍ നിന്നും പിടിച്ചെടുത്തിട്ടുണ്ട്.
അനാശാസ്യം (തടയല്‍) നിയമപ്രകാരം ഇവര്‍ക്കെതിരെ കേസെടുത്തതായി പോലീസ് പ്രസ്താവനയില്‍ അറിയിച്ചു.
Post Your Comments