ഘോഷയാത്രയ്ക്കിടെ സംഘര്‍ഷം; കസ്റ്റഡിയിലെടുത്തവരെ പോലീസ് മർദിച്ചതായും പരാതി

പോത്തൻകോട്: ഘോഷയാത്രയ്ക്കിടെ സംഘര്‍ഷം. പണിമൂല ദേവീക്ഷേത്രത്തിലെ ഘോഷയാത്രയ്ക്കിടെയാണ് സംഘർഷമുണ്ടായത്. പോലീസും ഘോഷയായ്‌ക്കെത്തിയവരും തമ്മിൽ പ്രശ്‌നമുണ്ടാകുകയായിരുന്നു. സഘർഷത്തെ തുടർന്ന് കസ്റ്റഡിയിലെടുത്തവരെ പോലീസ് മർദിച്ചതായും ആരോപണമുണ്ട്. ഇടത്താട് സ്വദേശികളായ പ്രദീപ്(40), ജയറാം(42), ബിജു(42), ശശാങ്കൻ(43), ബിജു(44), മോഹനൻ(52) എന്നിവരെയാണ് പോലീസ് കസ്റ്റഡിയിലെടുത്തത്.

also read:വര്‍ഗീയ സംഘര്‍ഷം: നിരവധി പേര്‍ക്ക് പരിക്ക്; 80 ഓളം പേര്‍ അറസ്റ്റില്‍

ഘോഷയാത്രയ്ക്കിടെ മദ്യപിച്ച് നൃത്തം ചെയ്‌തതിനെ പോലീസ് ചോദ്യംചെയ്‌തതോടെയാണ് പ്രശനങ്ങൾ തുടങ്ങിയത്. പോലീസിനെ പ്രതികൾ ആക്രമിച്ചതായി പോത്തൻകോട് പോലീസ് പറഞ്ഞു. സംഘർഷത്തിൽ
പോലീസ് ഉദ്യോഗസ്ഥർക്കും പരിക്കേറ്റിട്ടുണ്ട്. വെള്ളിയാഴ്ച രാവിലെയോടെ പ്രതികളെ കോടതിയിൽ ഹാജരാക്കി റിമാൻഡ് ചെയ്‌തു.