മുൻ പാക് പ്രധാന മന്ത്രിക്ക് നേരെ ചെരുപ്പേറ് ; വീഡിയോ കാണാം

ഇസ്‌ലാമാബാദ്: മുൻ പാക്കിസ്ഥാന്‍ പ്രധാന മന്ത്രി നവാസ് ഷെരീഫിനു നേരെ ചെരുപ്പേറ്. ലഹോറിലെ ഗർഹി സാഹുവിലുള്ള ജമിയ നമിയ മതപാഠശാലയിൽ മുഫ്തി മുഹമ്മദ് ഹുസൈൻ നൈയ്മി അനുസ്മരണ ചടങിനിടെയാണ് സംഭവം. മുഖ്യപ്രഭാഷകനായിരുന്ന ഷെരീഫ് സംസാരിക്കാനായി പ്രസംഗപീഠത്തിന് അടുത്തെത്തിയപ്പോഴാണ് സദസിൽ നിന്ന് ഒരാൾ ഇദ്ദേഹത്തിന് നേരെ ചെരുപ്പെറിഞ്ഞത്. സംഘാടകർ ഉടൻ തന്ന ഇയാളെ പിടികൂടി സ്ഥലത്തു നിന്ന് മാറ്റിയെങ്കിലും പ്രസംഗം തുടരാനായിരുന്നു ഷെരീഫിന്‍റെ തീരുമാനം.

Read also ;ആക്ഷൻ ഹീറോ ബിജു’വിനെ അനുസ്മരിപ്പിച്ച് ഡിവൈഎസ്പിക്ക് വയർലസിൽ അസഭ്യവർഷം

ഇവിടുത്തെ പൂർവ്വ വിദ്യാർഥി തൽഹ മുനവറാണ് ചെരുപ്പെറിഞ്ഞത്. പിടികൂടിയവരുടെ മർദ്ദനത്തിന് ഇരയായ ഇയാളെ നിസാര പരിക്കുകളോടെ മീപത്തെ ആശുപത്രിയിൽ പ്രവേശിപ്പിച്ചു. ഇസ്‌ലാം മതവുമായി ബന്ധപ്പെട്ട് നിൽക്കുന്ന രാഷ്ട്രീയ പാർട്ടിക്ക് അനുകൂലമായി മുദ്രാവാക്യങ്ങൾ സംഭവ സമയത്ത് ഇയാൾ മുഴക്കിയിരുന്നുവെന്ന് ദൃക്സാക്ഷികൾ വ്യക്തമാക്കി.

വീഡിയോ ചുവടെ ;