കേരളത്തിലേക്ക് പറക്കാം എമിറേറ്റ്സില്‍: വന്‍ ഇളവുകള്‍

ദുബായ്•ലോകത്തിന്റെ വിവിധ ഭാഗങ്ങളിലേക്കുള്ള ഇക്കോണമി, ബിസിനസ് ക്ലാസ് നിരക്കുകളില്‍ വന്‍ ഇളവുകള്‍ പ്രഖ്യാപിച്ച് ദുബായ് വിമാനക്കമ്പനിയായ എമിറേറ്റ്സ്.

ജനുവരി 8 നും 22 നും ഇടയില്‍ ബുക്ക്‌ ചെയ്യുന്ന 2018 ജനുവരി 12 നും നവംബര്‍ 30 നും ഇടയില്‍ യാത്ര ചെയ്യുന്ന ടിക്കറ്റുകള്‍ക്കാണ് ഈ ആനുകൂല്യം ലഭിക്കുക.

കേരളത്തിലേക്ക് പറക്കാന്‍ 615 ദിര്‍ഹമാണ് ഏറ്റവും കുറഞ്ഞ നിരക്ക്. കോഴിക്കോടേക്ക് ആണ് ഈ നിരക്കില്‍ പറക്കാന്‍ കഴിയുക. കൊച്ചിയിലേക്ക് 905 ദിര്‍ഹത്തിനും തിരുവനന്തപുരത്തേക്ക് 985 ദിര്‍ഹത്തിനും പറക്കാം. റിട്ടേണ്‍ ഉള്‍പ്പടെയുള്ള നിരക്കാണിത്.

ഡല്‍ഹി, മുംബൈ 905 ദിര്‍ഹവും ചെന്നൈയിലേക്ക് 955 ദിര്‍ഹവുമാണ് റിട്ടേണ്‍ ഉള്‍പ്പടെയുള്ള നിരക്ക്.

കുവൈത്തിലേക്കുള്ള റിട്ടേണ്‍ ട്രിപ്പിന് 825 ദിര്‍ഹമാണ് ഏറ്റവും കുറഞ്ഞ നിരക്ക്. ക്വാലാലം‌പൂരിലേക്ക് 2,105 ദിര്‍ഹവും ബാങ്കോക്കിലേക്ക് 2,245 ദിര്‍ഹവുമാണ് നിരക്ക്.

കൂടുതല്‍ വിവരങ്ങള്‍ എമിറേറ്റ്സിന്റെ ഔദ്യോഗിക വെബ്‌സൈറ്റില്‍ ലഭ്യമാണ്.

SUPPORT : ക്യാന്‍സറിനോട് മല്ലിടുന്ന നാലുവയസ്സുകാരി; സഹായം അഭ്യര്‍ഥിച്ച് മാതാപിതാക്കള്‍

Link to donate : https://goo.gl/oKHre2