ദോഹ: ഇൻഡിഗോ എയർ ചില സർവീസുകൾ റദ്ദാക്കി. അടുത്തിടെ ഖത്തറിൽനിന്ന് കോഴിക്കോട്ടേക്ക് ആരംഭിച്ച ഇൻഡിഗോ എയർ വിമാനത്തിന്റെ ചില സർവീസുകളാണ് റദ്ദാക്കിയത്. ആഗസ്റ്റിൽ ഒന്നിടവിട്ട ദിവസങ്ങളിലെ ദോഹ–കോഴിക്കോട് സർവിസുകളും തിരിച്ചുള്ള സർവിസുകളുമാണ് റദ്ദ് ചെയ്തത്. ഇൻഡിഗോ എയർ ടിക്കറ്റ് എടുത്തവർക്ക് ഇത് സംബന്ധിച്ച അറിയിപ്പുകൾ ലഭിക്കുന്നുണ്ട്. ഈ ദിവസങ്ങളിൽ എടുത്തവരുടെ ടിക്കറ്റ് തൊട്ടടുത്ത സർവിസുള്ള ദിവസത്തിലേക്ക് മാറ്റുകയാണ് ചെയ്യുന്നത്.
ഇമെയിൽ മുഖേനയും കസ്റ്റമർ കെയർ നമ്പറിൽ നിന്നും ടിക്കറ്റ് മാറ്റിയതുമായി ബന്ധപ്പെട്ട വിവരം അറിയിക്കുന്നുണ്ട്. അതേസമയം വിമാനങ്ങൾ റദ്ദ് ചെയ്യാനുളള കാരണം അധികൃതർ വ്യക്തമാക്കിയിട്ടില്ല. ഇന്ത്യയിൽ പുതുതായി നിലവിൽ വന്ന ജി.എസ്.ടിയുമായി ബന്ധപ്പെട്ടാണ് കമ്പനി പല സർവിസുകളും റദ്ദ് ചെയ്യുന്നതെന്നാണ് സൂചന.
Post Your Comments