ഓട്ടോയെ സ്‌കോര്‍പ്പിയോ ലുക്കിലാക്കിയ മലയാളിക്ക് ലഭിച്ച ഭാഗ്യസമ്മാനം എന്താണെന്നറിയാം

തിരുവല്ല : ഓട്ടോയെ സ്‌കോര്‍പ്പിയോ ലുക്കിലാക്കിയ മലയാളിക്ക് സമ്മാനമായി ലഭിച്ചത് മഹീന്ദ്രയുടെ പിക്കപ്പ്. സ്‌കോര്‍പ്പിയോ പ്രേമിയായ അനില്‍ തന്റെ ഓട്ടോറിക്ഷയെ സ്‌കോര്‍പ്പിയോ രൂപത്തിലാക്കിയപ്പോൾ ഇതൊരമൊരു ഭാഗ്യം തേടി എത്തുമെന്ന് ഒരിക്കലും കരുതിയിട്ടുണ്ടാകില്ല.

ത്രീവീലര്‍ സ്‌കോര്‍പ്പിയോ എന്ന പേരില്‍ ഹിറ്റായ മുച്ചക്ര സ്‌കോര്‍പ്പിയോയുടെ ചിത്രം അനില്‍ പണിക്കര്‍ എന്ന മലയാളി മഹീന്ദ്ര എം ഡി ആനന്ദ് മഹീന്ദ്രയ്ക്ക് ട്വീറ്റ് ചെയ്തതോടെയാണ് അനിലിന്റെ ഭാഗ്യ രേഖ തെളിഞ്ഞത്. ഇന്ത്യന്‍ റോഡുകളില്‍ മഹീന്ദ്രയ്ക്കും സ്‌കോര്‍പ്പിയോടുമുള്ള ആരാധനയ്ക്ക് ഉദ്ദാഹരണമാണീ ചിത്രം എന്ന അടികുറിപ്പോട് കൂടിയുള്ള ട്വീറ്റ് ശ്രദ്ധയിൽപെട്ട ആനന്ദ് മഹീന്ദ്ര ഉടനെതന്നെ അനില്‍പണിക്കര്‍ക്ക് മുച്ചക്ര സ്‌കോര്‍പ്പിയോയുടെ ഉടമസ്ഥനെ കണ്ടെത്തണമെന്ന് മറുപടി നൽകി.  അങ്ങനെയയാണ് അനില്‍ എന്ന തിരുവല്ലക്കാരന് മഹീന്ദ്രയുടെ പിക്കപ്പ് വാൻ സമാനമായി ലഭിച്ചത്. മുച്ചക്ര സ്‌കോര്‍പ്പിയോ ഉപേക്ഷിക്കാന്‍ ഒരുക്കമല്ലാത്ത അനില്‍ പുതിയ മഹീന്ദ്ര പിക്കപ്പിനൊപ്പം നിൽക്കുന്ന ഫോട്ടോയെടുത്ത് ആനന്ദ് മഹീന്ദ്രയ്ക്ക് അയച്ചുകൊടുത്ത് കൊണ്ടാണ് തന്റെ നന്ദി അറിയിച്ചത്.