ആലപ്പുഴ: കെ എസ് ആർ ടി സി സൂപ്പർ ഫാസ്റ്റ് ബസിൽ കമിതാക്കളുടെ പ്രണയലീലകൾ അതിരുവിട്ടു. സഹികെട്ട യാത്രക്കാരിടപെട്ടു പെൺകുട്ടിയെയും സുഹൃത്തിനെയും പെരുവഴിയിൽ ഇറക്കിവിട്ടു. എന്നാൽ പിന്നീട് സംഭവിച്ചത് ഇങ്ങനെ. കഴിഞ്ഞ രാത്രി തിരുവനന്തപുരം- കോഴിക്കോട് കെഎസ്ആര്ടിസി സൂപ്പര്‍ ഫാസ്റ്റിലായിരുന്നു സംഭവ വികാസങ്ങൾ.
കോഴിക്കോട് സ്വകാര്യ എന്‍ജിനീയറിങ് കോളജ് വിദ്യാര്‍ഥികളായ കമിതാക്കള്‍ തിരുവനന്തപുരത്തു നിന്നാണ് ബസിൽ കയറിയത്.അടുത്തടുത്ത സീറ്റുകളിൽ ഇരുന്ന ഇവർ കൊല്ലം കഴിഞ്ഞപ്പോഴേക്കും പ്രണയലീലകൾ ആരംഭിക്കുകയും എല്ലാ പരിധിയും ലഘിക്കുകയും ചെയ്തു. എന്നാൽ എതിര്‍ വശത്തിരുന്ന പെൺകുട്ടികൾ അടങ്ങിയ ഒരു കുടുംബത്തിന് ഇത് അലോസരമുണ്ടാക്കി. പെൺകുട്ടികളുടെ ശ്രദ്ധ തിരിക്കാനായി മാതാപിതാക്കൾ ശ്രമപ്പെടുകയും ചെയ്തു.
ബസ് ആലപ്പുഴ എത്തിയപ്പോൾ ഈ കുടുംബവും ഇതെല്ലാം കണ്ടിരുന്ന മറ്റു യാത്രക്കാരും ഇടപെടുകയായിരുന്നു.യാത്രക്കാർ ഒറ്റക്കെട്ടായി ഇരുവരേയും ഇറക്കിവിടണമെന്ന് ആവശ്യപ്പെട്ടപ്പോൾ ഗത്യന്തരമില്ലാതെ ജീവനക്കാർ അവരെ വഴിയിൽ ഇറക്കിവിട്ടു. എന്നാൽ അർദ്ധരാത്രി പെൺകുട്ടിയെ വഴിയിൽ ഇറക്കി വിടുന്നതിലെ അപകടം മനസ്സിലാക്കിയ യാത്രക്കാരും ബസ് ജീവനക്കാരും ഇരുവരെയും തിരികെ വിളിക്കുകയും രണ്ടു സീറ്റുകളിൽ ഇരുത്തി യാത്ര ചെയ്യാൻ അനുവദിക്കുകയുമായിരുന്നു.
Post Your Comments