നോക്കിയ ബ്രാന്‍ഡിന് കീഴില്‍ ഫോണുകള്‍ നിര്‍മ്മിക്കാന്‍ അവകാശം നേടിയ എച്ച്എംഡി ഗ്ലോബല്‍ നോക്കിയ 150, നോക്കിയ 150 ഡ്യൂവല്‍ സിം മോഡലുകൾ അവതരിപ്പിച്ചു. ഇന്റര്‍നെറ്റ് സേവനങ്ങളില്ലാത്ത ഫീച്ചര്‍ ഫോണ്‍ ശ്രേണിയിലുള്ള മോഡലുകളാണ് ഇവ. 1800 രൂപയോളമാകും ഇരു മോഡലുകള്‍ക്കും വില വരികയെന്നാണ് സൂചന.
അടുത്ത വര്‍ഷം തുടക്കത്തോടെ തന്നെ നോക്കിയ 150, നോക്കിയ 150 ഡ്യൂവല്‍ സിം മോഡലുകള്‍ വിപണിയിലെത്തുമെന്ന് എച്ചഎംഡി ഗ്ലോബല്‍ അറിയിച്ചു. നോക്കിയയുടെ തിരിച്ചുവരവിനുവേണ്ടി എല്ലാ നടപടികളും സ്വീകരിക്കുമെന്നും മുന്‍കാലങ്ങളിലെ പോലെ വിശ്വസനീയമായ ഉത്പന്നങ്ങള്‍ നോക്കിയയില്‍ നിന്നും ഉപഭോക്താക്കള്‍ക്ക് നേടാന്‍ അവസരം ഒരുക്കുമെന്നും എച്ച്എംഡി ഗ്ലോബലിന്റെ സിഎംഒ ആയ പെക്ക രന്താല കഴിഞ്ഞ ദിവസം വ്യക്തമാക്കിയിരുന്നു.
Post Your Comments