ന്യൂഡൽഹി: ഫ്രാൻസിൽ നിന്നും 36 റാഫേല്‍ യുദ്ധവിമാനങ്ങള്‍ വാങ്ങാനുള്ള കരാറില്‍ ഇന്ത്യ ഒപ്പുവെച്ചു. 59,000 കോടി രൂപയുടേതാണ് കരാർ. മൂന്ന് മുതൽ ആറ് വർഷത്തിനുള്ളിൽ വിമാനങ്ങള്‍ ഇന്ത്യക്ക് കൈമാറും. അത്യാധുനിക സൗകര്യങ്ങളോട് കൂടിയ ഇരട്ട എഞ്ചിനുള്ള ഈ യുദ്ധവിമാനങ്ങൾ നിർമിക്കുന്നത് ഫ്രാന്‍സിലെ ഡസോള്‍ട്ട് ഏവിയേഷനാണ്.
ദൃശ്യ പരിധിക്കപ്പുറം ഉപയോഗിക്കാവുന്ന മീറ്റിയോര്‍ മിസൈല്‍, ഇസ്രായേലിന്റെ ഡിസ്പ്ലേ സംവിധാനത്തോടെയുള്ള ഹെല്‍മെറ്റ് എന്നിങ്ങനെ നിരവധി പ്രത്യേകതകൾ ഇതിനുണ്ടാകും. പ്രധാനമന്ത്രി നരേന്ദ്ര മോദിയുടെ ഫ്രാന്‍സ് സന്ദര്‍ശനത്തിലാണ് റാഫേല്‍ ജെറ്റുകൾ വാങ്ങാന്‍ ധാരണയായത്.
Post Your Comments