ലക്നോ ● ഉത്തര്‍പ്രദേശില്‍ വീണ്ടും പറക്കുംതളിക കണ്ടതായി റിപ്പോര്‍ട്ട്. യുപിയിലെ കാസ്ഗഞ്ച് ജില്ലയിലെ നഗരിയാ ഗ്രാമത്തിലെ ആകാശത്ത് പറക്കുംതളിക കണ്ടതായാണ് ചിലര്‍ സോഷ്യല്‍ മീഡിയയില്‍ അവകാശപ്പെടുന്നത്. ഇതിന്റെ ചിത്രങ്ങളും ഫേസ്ബുക്ക്‌, വാട്സ്ആപ്പ് തുടങ്ങിയ മാധ്യമങ്ങളില്‍ വ്യാപകമായി പ്രചരിക്കുന്നുണ്ട്.
എന്നാല്‍ ഇതിനു ഔദ്യോഗിക സ്ഥിരീകരണം ഉണ്ടായിട്ടില്ല. വിവരമറിഞ്ഞ ജില്ലാ മജിസ്ട്രേറ്റ് പ്രശ്നത്തിൽ ഇടപെട്ട് ചിത്രങ്ങള്‍ കൂടുതൽ വിലയിരുത്തലുകൾക്കായി കാലാവസ്ഥാ നിരീക്ഷണവകുപ്പിന് കൈമാറിയിട്ടുണ്ട്. കഴിഞ്ഞ വർഷവും സംസ്ഥാനത്ത് പറക്കുംതളിക കണ്ടതായി വാർത്ത വന്നിരുന്നു.
അന്യഗ്രഹങ്ങളിൽ നിന്ന് ഭൂമിയിലേക്ക് വരുന്നവരുണ്ടെന്നും അവരുടെ വാഹനമാണ് പറക്കുംതളികയെന്നാണ് ഒരു വിഭാഗം ആളുകള്‍ വിശ്വസിക്കുന്നത്. എന്നാല്‍ ഇതിനു ഇതുവരെ ശാസ്ത്രീയ സ്ഥിരീകണം ലഭിച്ചിട്ടില്ല.
Post Your Comments