ഗാന്ധിനഗര്‍: യുവതിയെ വീട്ടില്‍ അതിക്രമിച്ചു കയറി മര്‍ദിച്ച കേസില്‍ യുവാവ് അറസ്റ്റിൽ. കൊല്ലം നെടുമ്പന പഴങ്ങാലം ഭാഗത്ത് ധനുജ ഭവനില്‍ പ്രവീണ്‍കുമാറി(37)നെയാണ് അറസ്റ്റ് ചെയ്തത്. ഗാന്ധിനഗര്‍ പൊലീസ് ആണ് അറസ്റ്റ് ചെയ്തത്.
Read Also : അ‌ഞ്ച് വയസുകാരിയുടെ കൊലപാതകം: പ്രതി കുട്ടിയെ കൊണ്ടു പോകുന്നത് അച്ഛനെ വിളിച്ചു പറഞ്ഞതായി സാക്ഷി മൊഴി
കഴിഞ്ഞദിവസം ഉച്ചയോടെ ഇയാള്‍ യുവതിയുടെ വീട്ടില്‍ അതിക്രമിച്ചു കയറി യുവതിയെ മര്‍ദിക്കുകയായിരുന്നു. ഇതു തടയാനെത്തിയ യുവതിയുടെ പിതാവിനെയും ഇയാള്‍ ആക്രമിച്ചു. ഇയാള്‍ക്ക് യുവതിയോടു മുന്‍ വൈരാഗ്യമുണ്ടായിരുന്നു. ഇതിന്‍റെ തുടര്‍ച്ചയെന്നോണമാണ് ഇയാള്‍ വീട്ടില്‍ അതിക്രമിച്ചു കയറി യുവതിയെ ആക്രമിച്ചത്.
പരാതിയുടെ അടിസ്ഥാനത്തിൽ ഗാന്ധിനഗര്‍ പൊലീസ് കേസ് രജിസ്റ്റര്‍ ചെയ്യുകയും ഇയാളെ പിടികൂടുകയുമായിരുന്നു. അറസ്റ്റിലായ പ്രതിയെ കോടതിയിൽ ഹാജരാക്കി.
Post Your Comments