കൊല്‍ക്കത്ത: ആര്‍മി കമാന്‍ഡ് ആശുപത്രിയിലെ പ്രതിരോധ സംവിധാനങ്ങളുടെ ചിത്രം പകര്‍ത്തിയ ബംഗ്ലാദേശ് സ്വദശിയായ യുവാവ് കൊല്‍ക്കത്തയില്‍ അറസ്റ്റില്‍. മുഹമ്മദ് നൂര്‍ എന്നയാളാണ് പിടിയിലായത്. കഴിഞ്ഞ ഒരാഴ്ചയായി ഇതേ ആശുപത്രിയില്‍ ദിവസ വേതനാടിസ്ഥാനത്തില്‍ ജോലി ചെയ്ത് വരികയായിരുന്നു ഇയാള്‍.
അലിപൂര്‍ പോലീസ് സ്‌റ്റേഷന് കീഴില്‍ വരുന്നതാണ് ആശുപത്രി. ആശുപത്രിയിലെ പ്രതിരോധ സംവിധാനങ്ങളുടെ ചിത്രം പകര്‍ത്തുന്നത് ശ്രദ്ധയില്‍പ്പെട്ട ആശുപത്രി അധികൃതര്‍ ഇയാളെ പിടികൂടി പോലീസിനെ വിവരമറിയിക്കുകയായിരുന്നു. യുവാവിനെ ചോദ്യം ചെയ്ത് വരികയാണെന്ന് പോലീസ് അറിയിച്ചു.
താന്‍ ബംഗ്ലാദേശ് പൗരനാണെന്ന് തെളിയിക്കുന്ന യാതൊരു രേഖയും യുവാവിന്റെ പക്കലില്ലെന്നും പോലീസ് പറഞ്ഞു.
Post Your Comments