അബുദാബി: അബുദാബിയിൽ നിന്ന് പുതിയ വേനൽക്കാല റൂട്ടുകൾ പ്രഖ്യാപിച്ച് ഇത്തിഹാദ് എയർവേയ്സ്. ഗ്രീസിലെ ഏറ്റവും വലിയ ദ്വീപായ ക്രീറ്റിലേക്ക് ഇത്തിഹാദ് എയർവേയ്സ് ജൂൺ 15 മുതൽ ആഴ്ചയിൽ രണ്ടുതവണ സീസൺ സർവീസ് ആരംഭിക്കും. 2022-ലെ വേനൽക്കാല അവധിയ്ക്ക് യാത്രക്കാർക്ക് കൂടുതൽ തിരഞ്ഞെടുക്കാനുള്ള സൗകര്യം നൽകുന്നതിൽ സന്തോഷമുണ്ടെന്ന് ഇത്തിഹാദ് എയർവേയ്സ് സെയിൽസ് ആൻഡ് കാർഗോ സീനിയർ വൈസ് പ്രസിഡന്റ് മാർട്ടിൻ ഡ്രൂ പറഞ്ഞു.
കടൽത്തീരവും പർവത സാഹസികതകളും കൂടിച്ചേരാൻ ആഗ്രഹിക്കുന്ന സഞ്ചാരികൾക്ക് അനുയോജ്യമായ വേനൽക്കാല കേന്ദ്രമാണ് ക്രീറ്റെന്നും അദ്ദേഹം വ്യക്തമാക്കി. മലാഗ, സാന്റോറിനി, സാൻസിബാർ എന്നിവിടങ്ങളിലേക്കും സർവ്വീസുകൾ നടത്തും.
Post Your Comments