തിരുനെല്ലിയില്‍ ശബരിമല തീര്‍ത്ഥാടകര്‍ സഞ്ചരിച്ച ബസ് മറിഞ്ഞ് അപകടം : നിരവധി പേര്‍ക്ക് പരുക്ക്

കല്‍പറ്റ : വയനാട് തിരുനെല്ലിയില്‍ ശബരിമല തീര്‍ത്ഥാടകര്‍ സഞ്ചരിച്ച ബസ് മറിഞ്ഞ് അപകടം. ഇന്ന് പുലര്‍ച്ചെയാണ് അപകടമുണ്ടായത്.

കര്‍ണാകട സ്വദേശികള്‍ സഞ്ചരിച്ച ബസാണ് മറിഞ്ഞത്. നിരവധി പേര്‍ക്ക് പരുക്കുണ്ട്. ആരുടേയും നില ഗുരുതരമല്ലെന്നാണ് വിവരം. ശബരിമല ദര്‍ശനം കഴിഞ്ഞ് തിരികെ പോകുമ്പോഴാണ് അപകടം സംഭവിച്ചത്.

ബസില്‍ 53 യാത്രക്കാരാണ് ഉണ്ടായിരുന്നത്. പരുക്കേറ്റവരെ വിവിധ വാഹനങ്ങളിലായി മാനന്തവാടി മെഡിക്കല്‍ കോളജിലേക്ക് മാറ്റി.