പ്രസവചികിത്സക്കെത്തി എണ്ണ തേച്ചു കിടന്ന യുവതിയുടെ നഗ്നദൃശ്യങ്ങൾ വീഡിയോകോളിലൂടെ കാമുകന് നൽകി: ജീവനക്കാരി അറസ്റ്റിൽ

മലപ്പുറം: പ്രസവപരിചരണചികിത്സക്കെത്തിയ സ്ത്രീയുടെ നഗ്നദൃശ്യങ്ങൾ വീഡിയോകോളിലൂടെ കാമുകന് നൽകിയ സ്ത്രി അറസ്റ്റിൽ. മാറഞ്ചേരി പുറങ്ങ് സ്വദേശി ഉഷയാണ് പിടിയിലായത്. വെളിയങ്കോട് പ്രവർത്തിക്കുന്ന പ്രസവ പരിചരണ കേന്ദ്രത്തിലാണ് സംഭവം.

കുഴമ്പ് തേച്ച് കിടക്കുന്നതിനിടെ കാമുകന് വീഡിയോ കാൾ ചെയ്യുന്നത് ശ്രദ്ധയിൽപ്പെട്ട കേന്ദ്രത്തിലെ മറ്റൊരു സ്ത്രീ ഇക്കാര്യം പരിചരണത്തിലായിരുന്ന യുവതിയെ അറിയിക്കുകയായിരുന്നു.

യുവതിയുടെ ബന്ധുക്കൾ നടത്തിയ പരിശോധനയിൽ ജീവനക്കാരിയുടെ ഫോണിൽ വിഡിയോ കോൾ കണ്ടെത്തിയതോടെ ബന്ധുക്കൾ പൊന്നാനി പൊലീസിൽ പരാതി നൽകി. ഇതോടെ പൊലീസ് പ്രതിയെ അറസ്റ്റ്‌ ചെയ്യുകയായിരുന്നു. ഇവരുടെ ആൺ സുഹൃത്തിനെതിരേയും കേസെടുത്തിട്ടുണ്ട്.