ഹൈദരാബാദ് : തിരുപ്പതി റെയില്‍വേ സ്റ്റേഷന്‍ ലോകോത്തര നിലവാരത്തിലേയ്ക്ക് ഉയര്‍ത്താന്‍ തീരുമാനം. 300 കോടിയുടെ അത്യാധുനിക സൗകര്യങ്ങള്‍ സ്റ്റേഷനില്‍ ഒരുക്കാനാണ് തീരുമാനം . പ്രതിവര്‍ഷം 6 കോടി തീര്‍ത്ഥാടകര്‍ എത്തുന്ന റെയില്‍വേ സ്റ്റേഷന്റെ മുഖച്ഛായ അടിമുടി മാറ്റാനാണ് ലക്ഷ്യമിടുന്നത്.
തിരുപ്പതി റെയില്‍വേ സ്റ്റേഷന്റെ ഒരു ഭാഗം ഈ വര്‍ഷം അവസാനത്തോടെ ഏഴര ഏക്കര്‍ സ്ഥലത്തേക്ക് കൂടി വ്യാപിപ്പിക്കും . ഡല്‍ഹി ആസ്ഥാനമായുള്ള വാരിന്ദേര കണ്‍സ്ട്രക്ഷനാണ് തിരുപ്പതി റെയില്‍വേ സ്റ്റേഷന്റെ നവീകരണ പ്രവര്‍ത്തനങ്ങള്‍ നടത്തുന്നത് . ആദ്യഘട്ടം ഈ വര്‍ഷം അവസാനത്തോടെ പൂര്‍ത്തിയാകും.
ഇതിന്റെ ഭാഗമായി റെയില്‍വേ സ്റ്റേഷന്റെ നവീകരണ പ്രവര്‍ത്തനങ്ങളെക്കുറിച്ച് തിരുപ്പതി എംപി മദ്ദില ഗുരുമൂര്‍ത്തി റെയില്‍വേ ഉദ്യോഗസ്ഥരുമായി അവലോകനം നടത്തി. റെയില്‍വേ സ്റ്റേഷന്റെ തെക്ക് ഭാഗത്ത് 10,800 ചതുരശ്ര മീറ്റര്‍ വിസ്തീര്‍ണമുള്ള സീ പ്ലസ് 3 കെട്ടിടത്തിന്റെ നിര്‍മ്മാണം പൂര്‍ത്തിയായി. ബേസ്മെന്റ് പാര്‍ക്കിംഗ് ഏരിയയാണെങ്കില്‍, ടിക്കറ്റ് കൗണ്ടറുകള്‍, വെയ്റ്റിംഗ് ലോഞ്ച്, ഡിപ്പാര്‍ച്ചര്‍ അറൈവല്‍ കോണ്‍കോഴ്സ് എന്നിവ താഴത്തെ നിലയിലായിരിക്കും.
ബേസ്മെന്റില്‍ 200 ഫോര്‍ വീലറുകള്‍ക്കും 300 ലധികം ഇരുചക്രവാഹനങ്ങള്‍ക്കും പാര്‍ക്കിംഗ് സൗകര്യമുണ്ട്, മഴവെള്ള സംഭരണി, മലിനജല ശുദ്ധീകരണ പ്ലാന്റ്, ജലശുദ്ധീകരണ പ്ലാന്റ് എന്നിവയുടെ നിര്‍മ്മാണവും ഉടന്‍ നടക്കും. രണ്ടാം നിലയില്‍ കോമണ്‍ വെയ്റ്റിംഗ് ഹാള്‍ ഏരിയ, ഏരിയ ഫുഡ് കോര്‍ട്ട്, ടോയ്ലറ്റുകള്‍, ക്ലോക്ക് റൂം എന്നിവയാണ് ഒരുക്കുക. സൗത്ത് സൈഡ് സ്റ്റേഷന്‍ കെട്ടിടം. 8 ലിഫ്റ്റുകളും 2 എസ്‌കലേറ്ററുകളും റണ്ണിംഗ് റൂം, ടിടിഇമാര്‍ക്കുള്ള വിശ്രമമുറി, റെയില്‍വേ ഓഫീസുകള്‍ എന്നിവ മൂന്നാം നിലയില്‍ നിര്‍മിക്കുന്നുണ്ട്. നിലവില്‍ 90 തീവണ്ടികളാണ് തിരുപ്പതി റെയില്‍വേ സ്റ്റേഷന്‍ വഴി കടന്ന് പോകുന്നത് . പ്രതിദിനം ഒന്നരലക്ഷം യാത്രക്കാരും ഇവിടെ എത്തുന്നുണ്ട്.
Post Your Comments