മക്ക: ഇന്ത്യയുള്‍പ്പെടെ ലോകമെമ്പാടുമുള്ള പല രാജ്യങ്ങളിലും ഇന്ന് അന്താരാഷ്ട്ര യോഗ ദിനം ആഘോഷിക്കുകയാണ്. ഉത്തരാര്‍ദ്ധഗോളത്തിലെ വര്‍ഷത്തിലെ ഏറ്റവും ദൈര്‍ഘ്യമേറിയ ദിവസമായ ജൂണ്‍ 21 നാണ് എല്ലാ വര്‍ഷവും യോഗ ദിനം ആഘോഷിക്കുന്നത്. 2014 നാണ് ഐക്യരാഷ്ട്രസഭയിലെ 177 അംഗ രാജ്യങ്ങള്‍ അന്താരാഷ്ട്ര യോഗാ ദിനം ആഘോഷിക്കാനുള്ള നിര്‍ദ്ദേശത്തിന് അംഗീകാരം നല്‍കിയത്. അതിനുശേഷം ഇത് തുടര്‍ച്ചയായി സംഘടിപ്പിക്കപ്പെടുന്നുണ്ട് .
ഈജിപ്റ്റ്, സൗദി അറേബ്യ തുടങ്ങിയ രാജ്യങ്ങള്‍ യോഗയെ അംഗീകരിക്കുകയും അവിടെ യോഗാദിനം സംഘടിപ്പിക്കുകയും ചെയ്യുന്നുണ്ട് . മാലിദ്വീപ്, മലേഷ്യ, പാകിസ്താന്‍ തുടങ്ങി നിരവധി ഇസ്ലാമിക രാജ്യങ്ങളില്‍ യോഗയെ മതവുമായി ബന്ധിപ്പിച്ചിട്ടുണ്ടെങ്കിലും, 2017 ല്‍ സൗദി അറേബ്യ യോഗയെ അംഗീകരിച്ചു. ഈ തീരുമാനത്തിന് ശേഷം 2021-ല്‍ സൗദി യോഗ കമ്മിറ്റി രൂപീകരിച്ചു. ഇത് പിന്നീട് പുതിയ സൗദി യോഗ ഫെഡറേഷനായി രൂപീകരിക്കപ്പെട്ടു. ഇതിന് പുറമെ മക്കയിലും മദീനയിലും സൗദി അറേബ്യ യോഗ ചാമ്പ്യന്‍ഷിപ്പും സംഘടിപ്പിച്ചിട്ടുണ്ട്.
ഈജിപ്റ്റില്‍ യോഗയുടെ മറ്റൊരു രൂപമുണ്ട്. ഈജിപ്റ്റ് കെമറ്റികിന് യോഗയുടെ ഒരു പാരമ്പര്യമുണ്ട് . അത് ഉയര്‍ന്ന ബുദ്ധിയും ദിവ്യത്വവുമായി ബന്ധിപ്പിക്കുന്നതിന് ശരീരത്തിലൂടെയുള്ള ഊര്‍ജ്ജത്തിന്റെ ചലനത്തെ കേന്ദ്രീകരിക്കുന്നു.
സാധാരണ ആസനങ്ങളേക്കാള്‍ സാവധാനത്തിലാണ് കെമറ്റിക് യോഗ പരിശീലിക്കുന്നത്. ഇതില്‍ ധ്യാനത്തിനും ചക്രങ്ങള്‍ക്കും കൂടുതല്‍ പ്രാധാന്യം നല്‍കുന്നു. ഈജിപ്ഷ്യന്‍ ദേവന്മാരുടെയും ദേവതകളുടെയും പുരാതന ചിത്രങ്ങളില്‍ നിന്നാണ് കെമറ്റിക് യോഗയുടെ ശാരീരിക ഭാവങ്ങള്‍ എടുത്തത.
Post Your Comments