കേരളത്തിലെ ഏറ്റവും വൃത്തിയുള്ള പട്ടണമായ വയനാടിന് ടിപ്പു സുൽത്താനുമായുള്ള ബന്ധമെന്ത്?സുൽത്താൻ ബത്തേരി എന്ന പേര് വന്ന വഴി

വയനാടും ടിപ്പു സുൽത്താനും ആണ് ഇപ്പോഴത്തെ ഹോട്ട് ടോപ്പിക്. വർഷങ്ങളോളം കർണാടക രാഷ്ട്രീയത്തിൽ ഒരു പങ്കുവഹിച്ച ‘ടിപ്പു സുൽത്താൻ’ ഈ ലോക്‌സഭാ തിരഞ്ഞെടുപ്പ് സീസണിൽ വയനാട്ടിൽ ചർച്ചാ വിഷയം ആയിരിക്കുകയാണ്. ബി.ജെ.പി നേതാവും വയനാട് സ്ഥാനാർത്ഥിയുമായ കെ സുരേന്ദ്രൻ നടത്തിയ ഒരു പ്രസ്താവനയാണ് ഇതിന് കാരണം. വയനാട് സീറ്റിൽ വിജയിച്ചാൽ വയനാട് ജില്ലയിലെ സുൽത്താൻ ബത്തേരി എന്ന ടൗൺ മുൻപ് ഗണപതി വട്ടം ആയിരുന്നുവന്നും, ആ പേര് സുൽത്താൻ ബത്തേരിക്ക് ഇടുമെന്നുമായിരുന്നു സുരേന്ദ്രൻ പറഞ്ഞത്.

കോൺഗ്രസ് നേതാവ് രാഹുൽ ഗാന്ധിക്കും സി.പി.ഐ സ്ഥാനാർത്ഥി ആനി രാജയ്ക്കും എതിരെ ത്രികോണ പോരാട്ടത്തിലാണ് സുരേന്ദ്രൻ. വ്യാഴാഴ്ച നടന്ന തിരഞ്ഞെടുപ്പ് റാലിയിൽ സുരേന്ദ്രൻ ടിപ്പു സുൽത്താൻ പരാമർശം നടത്തിയിരുന്നു. ആരാണ് ഈ ടിപ്പു സുൽത്താൻ, വയനാടിൻ്റെയും നാട്ടുകാരുടെയും കാര്യം വരുമ്പോൾ, അതിൽ ടിപ്പുവിന്റെ പ്രാധാനയം എന്താണെന്ന് സുരേന്ദ്രൻ ചോദിച്ചു. പേര് തിരുത്തുമെന്നും സുരേന്ദ്രൻ പറഞ്ഞു.

പതിനെട്ടാം നൂറ്റാണ്ടിലെ മൈസൂർ ഭരണാധികാരിയായിരുന്ന ടിപ്പു സുൽത്താൻ 1789-ൽ മലബാർ (വടക്കൻ കേരളം) കീഴടക്കിയതുമായി ബന്ധപ്പെട്ടാണ് ഈ പട്ടണത്തിന് സുൽത്താൻ ബത്തേരി എന്ന് പേര് വന്നത്. സുൽത്താൻ ബത്തേരിയുടെ കഥ സമ്പന്നവും സങ്കീർണ്ണവുമാണ്. നിയോലിത്തിക്ക് വേരുകളുള്ള ഈ പട്ടണം, ആദിവാസികളുടെയും ആക്രമണകാരികളുടെയും കൊളോണിയൽ ഭരണാധികാരികളുടെയും വൈവിധ്യമാർന്ന സംസ്കാരങ്ങളാൽ രൂപപ്പെട്ടതാണ്.

കേരളത്തിലെ ഏറ്റവും വൃത്തിയുള്ള പട്ടണമാണ് സുൽത്താൻ ബത്തേരി. മലബാറിൻ്റെ (വടക്കൻ കേരളത്തിലെ) മൈസൂർ ഭരണകാലത്ത് ആയുധങ്ങളും വെടിക്കോപ്പുകളും വലിച്ചെറിയുന്ന സ്ഥലമായിരുന്നു ഇതെന്ന് കേരള ടൂറിസത്തിൻ്റെ ഔദ്യോഗിക വെബ്‌സൈറ്റ് പറയുന്നു.
ഒരു കാലത്ത് ജൈനക്ഷേത്രമായിരുന്ന സ്ഥലത്താണ് പീരങ്കികൾ വെടിയുതിർത്തതെന്ന് ബിജെപി നേതാവ് ആരോപിച്ചിരുന്നു. സുൽത്താൻ ബത്തേരിയുടെ മുനിസിപ്പൽ വെബ്‌സൈറ്റിൽ പറയുന്നതനുസരിച്ച്, ഒരുകാലത്ത് അവിടെ നിലനിന്നിരുന്ന ഗണപതി ക്ഷേത്രത്തിൻ്റെ പേരിലാണ് ഈ പട്ടണം ആദ്യം അറിയപ്പെട്ടിരുന്നത്.

എന്നിരുന്നാലും, 1700-കളുടെ രണ്ടാം പകുതിയിൽ ടിപ്പു സുൽത്താൻ്റെ മലബാർ പ്രദേശത്തെ അധിനിവേശ വേളയിൽ, ടിപ്പു സുൽത്താൻ്റെ അധിനിവേശത്തിലായി ഈ പട്ടണം. ടിപ്പുവിൻ്റെ സൈന്യം ഗണപതിവട്ടം പട്ടണത്തെ ബാറ്ററി സൂക്ഷിക്കുന്നതിനുള്ള ഒരു സ്ഥലമായി ഉപയോഗിച്ചു. ബ്രിട്ടീഷ് കൊളോണിയൽ രേഖകൾ പ്രകാരം പിന്നീട് ഈ നഗരം ‘സുൽത്താൻ്റെ ബാറ്ററി’ എന്നറിയപ്പെട്ടു. പതുക്കെ പതുക്കെ അത് ‘സുൽത്താൻ ബത്തേരി’ ആയി മാറി.

ടിപ്പു സുൽത്താനും അവിടെ ഒരു കോട്ട പണിതു, അത് ഇപ്പോൾ തകർന്നുകിടക്കുകയാണ്. ജൈന സമുദായത്തിനും ഈ നഗരം പ്രാധാന്യമുള്ളതാണ്. പതിമൂന്നാം നൂറ്റാണ്ടിലെ ഒരു ജൈനക്ഷേത്രം വിജയനഗര രാജവംശത്തിൻ്റെ ഭരണകാലത്ത് പണിതതാണെന്ന് പറയപ്പെടുന്നു. ഈ ക്ഷേത്രം ഇപ്പോൾ ആർക്കിയോളജിക്കൽ സർവേ ഓഫ് ഇന്ത്യയുടെ കീഴിലുള്ള ഒരു സംരക്ഷിത സ്മാരകമാണ്. മൈസൂരിനും അറബിക്കടലിൻ്റെ തുറമുഖങ്ങൾക്കും ഇടയിലുള്ള റൂട്ടിലുള്ള ഗണപതിവട്ടം പട്ടണം ഒരു വ്യാപാര കേന്ദ്രമായും ഇടത്താവളമായും പ്രാധാന്യം നേടി.