തൃശ്ശൂർ: പുഴ കാണാനെത്തി അബദ്ധത്തിൽ കാൽതെറ്റി വീണ പതിമൂന്നുകാരി മരിച്ചു. കല്ലേറ്റുംകര ചെമ്പോത്ത് പറമ്പിൽ ഹാഷിം – അജി ദമ്പതിമാരുടെ മകൾ ഫാത്തിമ തസ്നീം ആണ് മരണപ്പെട്ടത്. ഞായറാഴ്ച വൈകിട്ട് നാല് മണിയോടെയായിരുന്നു സംഭവം. കൊടകര മറ്റത്തൂർകുന്നിലെ ബന്ധുവീട്ടിൽ ഞായറാഴ്ച രാവിലെ എത്തിയതായിരുന്നു കുടുംബം. ഇതിനിടെ പുഴ കാണാനായി പുഴക്കരയിലെത്തി. എന്നാൽ, അബദ്ധത്തിൽ കാൽ വഴുതി പുഴയിലേക്ക് വീഴുകയായിരുന്നു.
അഗ്നിരക്ഷാസേന എത്തുന്നതിനുമുമ്പേ നാട്ടുകാർ കുട്ടിയെ മുങ്ങിയെടുത്ത് കൊടകരയിലെ സ്വകാര്യ ആശുപത്രിയിൽ പോലീസ് സഹായത്തോടെ എത്തിച്ചെങ്കിലും മരണം സംഭവിക്കുകയായിരുന്നു. ഇരിങ്ങാലക്കുട ഗവൺമെന്റ് ഹൈസ്കൂളിൽ ഒമ്പതാം ക്ലാസ് വിദ്യാർഥിയാണ്. പിതാവ് ഹാഷിം കെ.എസ്.ഇ.ബിയിൽ ഓവർസിയറാണ്. സംസ്കാരം പിന്നീട്.
Post Your Comments