അഗർത്തല: ത്രിപുരയിൽ ലഹരി വസ്തുക്കൾ കടത്തുന്നതിനിടെ ഒരാൾ പിടിയിൽ. ഒരു കോടി രൂപ വില മതിക്കുന്ന ലഹരി വസ്തുക്കളാണ് പിടികൂടിയത്. അസം റൈഫിൾസ് നടത്തിയ പരിശോധനയിക്കിടെയാണ് സംഭവം. പ്രതിയിൽ നിന്നും 1.736 കോടി രൂപ വിലമതിക്കുന്ന 434 കിലോ കഞ്ചാവാണ് അധികൃതർ പിടിച്ചെടുത്തത്. പ്രതിയുടെ അറസ്റ്റ് രേഖപ്പെടുത്തിയിട്ടുണ്ട്.
ത്രിപുരയിലെ നോർത്ത് ചുറൈബാരിയിലാണ് സംഭവം. രഹസ്യ വിവരത്തിന്റെ അടിസ്ഥാനത്തിലാണ് പ്രദേശത്ത് അസം റൈഫിൾസിന്റെ നേതൃത്വത്തിൽ പരിശോധന നടത്തിയത്. പോലീസും പരിശോധനയിൽ ഉണ്ടായിരുന്നു. തുടർന്നാണ് ലഹരി വസ്തുക്കൾ കടത്താൻ ശ്രമിക്കുന്നതിനിടെ യുവാവ് പിടിയിലായത്. പാന്റിനുള്ളിൽ ഒളിപ്പിച്ചും വലിയ കെട്ടുകളാക്കിയുമാണ് ഇയാൾ ലഹരി വസ്തുക്കൾ കടത്താൻ ശ്രമിച്ചത്. ഇയാളിൽ നിന്നും പിടിച്ചെടുത്ത ലഹരിവസ്തുക്കൾ കൂടുതൽ അന്വേഷണത്തിനായി പോലീസിന് കൈമാറിയിട്ടുണ്ട്. നിലവിൽ, പ്രദേശത്ത് ശക്തമായ പരിശോധനയാണ് നടത്തുന്നത്.
Post Your Comments