സഹാറന്‍പൂര്‍: ഗ്യാന്‍വാപി സര്‍വെ റിപ്പോര്‍ട്ട് വന്നതോടെ പലര്‍ക്കും കോടതിയില്‍ വിശ്വാസമില്ലാതായെന്ന് പ്രശസ്ത ഇസ്ലാമിക പണ്ഡിതന്‍ ഖാരി അബ്രാര്‍ ജമാല്‍. കോടതിയെയും സര്‍ക്കാര്‍ ഏജന്‍സികളെയും ചോദ്യം ചെയ്യുന്നവര്‍ എന്തുകൊണ്ട് ഈ രാജ്യത്തെ ശിഥിലമാക്കണമെന്ന് വ്യക്തമായി പറയുന്നില്ലെന്നും ഖാരി അബ്രാര്‍ ജമാല്‍ പറഞ്ഞു.
Read Also: വിമാനത്താവളത്തില്‍ വന്‍ സുരക്ഷാവീഴ്ച്ച
അഫ്ഗാനിസ്ഥാന്‍ ആദ്യം തകര്‍ന്നത് തുക്ഡെ തുക്ഡെ സംഘം കാരണമാണെന്നും അദ്ദേഹം പറഞ്ഞു. ആദ്യം പാകിസ്ഥാനും പിന്നീട് ബംഗ്ലാദേശും വേര്‍പിരിഞ്ഞു. ഇക്കൂട്ടര്‍ ഈ നാടിനെയും തകര്‍ക്കാന്‍ ശ്രമിക്കുകയാണ്. മതപരമായ കാര്യങ്ങളില്‍, എല്ലാ പള്ളികളിലും ഹിന്ദുക്കള്‍ ശിവലിംഗം നോക്കരുതെന്ന് മോഹന്‍ ഭഗവത് ജി പറഞ്ഞു. മുസ്ലീങ്ങള്‍ക്കും ഇത് ബാധകമാണ്. ഏതെങ്കിലും മതസ്ഥലത്ത് തര്‍ക്കമുണ്ടായാല്‍ ഹിന്ദുക്കളും മുസ്ലീങ്ങളും ഒരുമിച്ചുനിന്ന് കാണിക്കണം. പരസ്പര ചര്‍ച്ചയിലൂടെ തര്‍ക്കം പരിഹരിക്കണം.
‘ഗ്യാന്‍വാപി പ്രശ്‌നം ഉണ്ടായ സമയത്ത് അന്ന് മുസ്ലീം സമുദായവും കോടതിയില്‍ പോയിരുന്നു. കോടതിയുടെ നിര്‍ദ്ദേശപ്രകാരം മാത്രമാണ് എഎസ്‌ഐ സര്‍വേ നടത്തിയത്. കോടതി വിധി എല്ലാവരും അനുസരിക്കണം. ആ സര്‍വേ അംഗീകരിക്കാന്‍ കഴിയുന്നില്ലെങ്കില്‍ വ്യക്തമായി എതിര്‍ക്കണം . ഇനി നമുക്ക് രാജ്യത്തെ കോടതികളില്‍ വിശ്വാസമില്ലെന്ന് പറയണം. ഇപ്പോള്‍ ഞങ്ങള്‍ സ്വന്തമായി പ്രത്യേക കോടതി സൃഷ്ടിക്കാന്‍ ആഗ്രഹിക്കുന്നു. ഇപ്പോള്‍ നമ്മള്‍ രാജ്യത്തെ കഷണങ്ങളാക്കാന്‍ ആഗ്രഹിക്കുന്നു. നമ്മുടെ സ്വന്തം രാജ്യം സ്ഥാപിക്കാന്‍ ആഗ്രഹിക്കുന്നു എന്നൊക്കെ പറയണം . അങ്ങനെ ഈ രാജ്യത്തെ തകര്‍ക്കണം. അതല്ലേ നിങ്ങള്‍ ആഗ്രഹിക്കുന്നത്. എന്നാല്‍ അതിന് കൂട്ടു നില്‍ക്കാനാകില്ല’, ഖാരി അബ്രാര്‍ ജമാല്‍ പറഞ്ഞു
Post Your Comments