കൈനിറയെ ഉൽപ്പന്നങ്ങൾ! ആകർഷകമായ നിരക്കിൽ ക്രിസ്തുമസ് സ്റ്റോറുമായി ആമസോൺ

പുതുവർഷം എത്താറായതോടെ ഉൽപ്പന്നങ്ങൾക്ക് ഗംഭീര കിഴിവുമായി പ്രമുഖ ഓൺലൈൻ ഷോപ്പിംഗ് പ്ലാറ്റ്ഫോമായ ആമസോൺ. ഇക്കുറി ക്രിസ്തുമസ് സ്റ്റോറുകൾക്കാണ് ആമസോൺ തുടക്കമിട്ടിരിക്കുന്നത്. ഇതിലൂടെ ആകർഷകമായ വിലക്കുറവിൽ കൈനിറയെ ഉൽപ്പന്നങ്ങൾ സ്വന്തമാക്കാൻ കഴിയുന്നതാണ്. തിരഞ്ഞെടുത്ത ഉൽപ്പന്നങ്ങൾക്ക് 70 ശതമാനം വരെ കിഴിവാണ് നൽകിയിരിക്കുന്നത്. കൂടാതെ, ഒരു ദിവസത്തെ ഡെലിവറി സേവനവും ഒരുക്കിയിട്ടുണ്ട്. ഡിസംബർ 25 വരെ മാത്രമാണ് ആമസോൺ ക്രിസ്തുമസ് സ്റ്റോറിൽ നിന്നും ഓഫർ വിലയിൽ ഉൽപ്പന്നങ്ങൾ സ്വന്തമാക്കാൻ സാധിക്കുകയുള്ളൂ.

ക്രിസ്തുമസ് സ്റ്റോറിൽ പാർട്ടി എസൻഷ്യൽസ്, ഇലക്ട്രോണിക്സ്, ഫാഷൻ ആൻഡ് ബ്യൂട്ടി, നിത്യോപയോഗ സാധനങ്ങൾ, ഹോം ഡെക്കർ തുടങ്ങിയവയുടെ പ്രത്യേക ശ്രേണി തന്നെ ഒരുക്കിയിട്ടുണ്ട്. കൂടാതെ, ക്രിസ്തുമസിനോടനുബന്ധിച്ച് പ്രത്യേക അലങ്കാര ബൾബുകളും, ഫെസ്റ്റീവ് ട്രീറ്റുകളും ലഭ്യമാണ്. വാച്ചുകൾ, വസ്ത്രങ്ങൾ, സംഗീതോപകരണങ്ങൾ, ക്യാമറകൾ, സ്മാർട്ട്ഫോണുകൾ, പാദരക്ഷകൾ തുടങ്ങിയവയ്ക്കും കിഴിവ് ലഭിക്കും. പുതുവത്സരത്തോടനുബന്ധിച്ച് ഫ്ലിപ്കാർട്ടിലും ഇയർ എൻഡ് സെയിലിന് തുടക്കമായിട്ടുണ്ട്.

Also Read: ഭൂമിക്ക് പുറത്ത് അതിമനോഹരമായ ക്രിസ്തുമസ് ട്രീ! ചിത്രങ്ങൾ പങ്കുവെച്ച് നാസ