ഒന്നര കിലോഗ്രാം കഞ്ചാവുമായി യുവാക്കൾ എക്‌സൈസ് പിടിയിൽ

ആലപ്പുഴ: ആലപ്പുഴയില്‍ ഒന്നര കിലോഗ്രാം കഞ്ചാവുമായി യുവാക്കളെ എക്‌സൈസ് അറസ്റ്റ് ചെയ്‌തു. അമ്പലപ്പുഴ സ്വദേശികളായ മാക്മില്ലന്‍ (24), നിതിന്‍ ലാല്‍ (22), മധു മോഹന്‍ (24) എന്നിവരെയാണ് ആലപ്പുഴ എക്‌സൈസ് പിടികൂടിയത്.

സംഘത്തില്‍പ്പെട്ട ഉദീഷ്(38) എന്നയാള്‍ക്ക് വേണ്ടിയുള്ള അന്വേഷണം തുടരുകയാണ്. മുന്‍ കാപ്പ പ്രതി കൂടിയായ ഉദീഷ് ഒളിവിലാണെന്നും ഇയാള്‍ക്കായി അന്വേഷണം ഊര്‍ജിതമാക്കിയിട്ടുണ്ടെന്നും എക്‌സൈസ് അറിയിച്ചു.

Read Also : ബസിലെ പരിചയം മുതലാക്കി 16 കാരിയെ പീഡിപ്പിച്ച് ഗർഭിണിയാക്കി: 31കാരന് 46 വ​ര്‍ഷം ക​ഠി​ന​ത​ട​വും പിഴയും

ആലപ്പുഴ റേഞ്ച് ഇന്‍സ്‌പെക്ടര്‍ സതീഷിന്റെ നേതൃത്വത്തില്‍ നടത്തിയ രാത്രികാല പരിശോധനയിലാണ് സംഘം പിടിയിലായത്. ക്രിസ്തുമസ് പുതുവത്സര സ്‌പെഷ്യല്‍ ഡ്രൈവിന്റെ ഭാഗമായി നടത്തിയ പരിശോധനയില്‍ പ്രിവന്റീവ് ഓഫീസര്‍മാരായ ഇ കെ അനില്‍, ജയകുമാര്‍ ജി, പ്രിവന്റീവ് ഓഫീസര്‍ ഗ്രേഡ് മായാജി, വനിതാ സിവില്‍ എക്‌സൈസ് ഓഫീസര്‍ ജീന, സിവില്‍ എക്‌സൈസ് ഓഫീസര്‍മാരായ പ്രതീഷ് പി നായര്‍, മുസ്തഫ. എച്ച്, അനില്‍ കുമാര്‍, ഷഫീക്ക്. കെ എസ്, ജയദേവ് എന്നിവര്‍ പങ്കെടുത്തു.