സുൽത്താൻ ബത്തേരി: എം.ഡി.എം.എയുമായി യുവാവ് എക്സൈസ് പിടിയിൽ. മുട്ടിൽ കൊറ്റൻ കുളങ്ങര വിനീഷാണ് പിടിയിലായത്.
വയനാട് എക്സൈസ് ഇന്റലിജൻസിന് ലഭിച്ച രഹസ്യവിവരത്തിന്റെ അടിസ്ഥാനത്തിൽ എക്സൈസ് ഇന്റലിജൻസും സുൽത്താൻ ബത്തേരി റേഞ്ച് പാർട്ടിയും സംയുക്തമായി മീനങ്ങാടി ചെണ്ടക്കുനി ഗവ. പോളിടെക്നിക്ക് കോളജിന് സമീപം നടത്തിയ പരിശോധനയിൽ ആണ് യുവാവ് പിടിയിലായത്. 28.42 ഗ്രാം എം.ഡി.എം.എ യുവാവിൽ നിന്ന് പിടിച്ചെടുത്തിട്ടുണ്ട്.
Read Also : രാഹുല്‍ ഗാന്ധി എംപി നിര്‍മ്മാണോദ്ഘാടനം ചെയ്യാനിരുന്ന റോഡുകള്‍ ഉദ്ഘാടനം ചെയ്ത് പി.വി അന്‍വര്‍ എംഎല്‍എ
ബംഗളൂരുവിൽ നിന്നും എം.ഡി.എം.എ വാങ്ങി വയനാട്ടിൽ എത്തിച്ച് വിദ്യാർത്ഥികൾ അടക്കമുള്ളവർക്ക് ചില്ലറ വിൽപന നടത്തുകയാണ് ഇയാൾ ചെയ്യുന്നത്.
എക്സൈസ് ഇന്റലിജൻസ് ഇൻസ്പെക്ടർ എം.കെ. സുനിൽ, ബത്തേരി റേഞ്ച് ഇൻസ്പെക്ടർ കെ.ബി. ബാബുരാജ്, പ്രിവന്റിവ് ഓഫീസർമാരായ ജി. അനിൽകുമാർ, സി.വി. ഹരിദാസ്, സിവിൽ എക്സൈസ് ഓഫീസർമാരായ എ.എസ്. അനീഷ്, നിക്കോളാസ് ജോസ്, എം.എസ്. ദിനീഷ്, ഡ്രൈവർ പ്രസാദ് എന്നിവർ പരിശോധനാ സംഘത്തിൽ ഉണ്ടായിരുന്നു. അറസ്റ്റിലായ യുവാവിനെ കോടതിയിൽ ഹാജരാക്കും.
Post Your Comments