കോഴിക്കോട്: നിർമാണക്കമ്പനിക്ക് നിർമാണസാമഗ്രികൾ നൽകാമെന്നുപറഞ്ഞ് പത്തുലക്ഷത്തോളം രൂപ തട്ടിയ കേസിൽ മുംബൈ സ്വദേശി പൊലീസ് പിടിയിൽ. നീരവ് ബി. ഷാബി(29)നെയാണ് അറസ്റ്റ് ചെയ്തത്. കോഴിക്കോട് സിറ്റി സൈബർ ക്രൈം പൊലീസ് മുംബൈയിൽ നിന്നാണ് അറസ്റ്റ് ചെയ്തത്.
ഇന്റർനെറ്റിലും ഇന്ത്യ മാർട്ട് പോലുള്ള വെബ്സൈറ്റുകൾ സന്ദർശിച്ചും നിർമാണസാമഗ്രികൾക്കായി അന്വേഷണം നടത്തിയ കമ്പനിക്ക് കുറഞ്ഞ വിലക്ക് ഇവ ലഭ്യമാക്കാമെന്ന് വാഗ്ദാനം ചെയ്തായിരുന്നു തട്ടിപ്പ്. ഇൻസ്പെക്ടർ ദിനേഷ് കോറോത്തിന്റെ നേതൃത്വത്തിലുള്ള അന്വേഷണസംഘം നിരവധി പേരുടെ ഫോൺ കാളുകളും സമൂഹ മാധ്യമ അക്കൗണ്ടുകളും ബാങ്ക് അക്കൗണ്ടുകളും പരിശോധിച്ച് സൈബർ സെല്ലിന്റെ സഹായത്തോടെയാണ് പ്രതിയെ തിരിച്ചറിഞ്ഞത്.
Read Also : എസ്എഫ്‌ഐയുടെ പരിപാടി ഉദ്ഘാടനം ചെയ്യാന്‍ തമിഴ്നാട് മന്ത്രി ഉദയനിധി സ്റ്റാലിന്‍ കണ്ണൂരിലേയ്ക്ക്
സബ് ഇൻസ്പെക്ടർ പി. പ്രകാശ്, എ.എസ്.ഐ ജിതേഷ് കൊള്ളങ്ങോട്ട്, സീനിയർ സിവിൽ പൊലീസ് ഓഫീസർമാരായ രാജേഷ് ചാലിക്കര, ഫെബിൻ കാവുങ്ങൽ എന്നിവരാണ് അന്വേഷണ സംഘത്തിലുണ്ടായിരുന്നത്. അറസ്റ്റിലായ പ്രതിയെ കോടതിയിൽ ഹാജരാക്കി.
Post Your Comments