കറുകച്ചാല്‍: മധ്യവയസ്‌കനെ ഭീഷണിപ്പെടുത്തി സ്വര്‍ണവും, മൊബൈല്‍ ഫോണും കവര്‍ന്ന കേസില്‍ രണ്ടുപേർ അറസ്റ്റിൽ. കൂരോപ്പട ളാക്കാട്ടൂര്‍ കവല ആനകല്ലുങ്കല്‍ നിതിന്‍ കുര്യന്‍(33), കാനം തടത്തിപ്പടി കുമ്മംകുളം അനില്‍ കെ. ഉതുപ്പ്(53) എന്നിവരെയാണ് അറസ്റ്റ് ചെയ്തത്. കറുകച്ചാല്‍ പൊലീസ് ആണ് അറസ്റ്റ് ചെയ്തത്.
കഴിഞ്ഞ 15-നു വൈകുന്നേരം നാലോടെയാണ് സംഭവം. കറുകച്ചാലിൽ പ്രവര്‍ത്തിക്കുന്ന ബാറിന് മുന്നിൽവച്ചു മധ്യവയസ്‌കന്‍റെ കാറില്‍ ഇവര്‍ ലിഫ്റ്റ് ചോദിച്ചു കയറി. തുടര്‍ന്ന്, യാത്രാമധ്യേ മധ്യവയസ്‌കനെ ആക്രമിച്ച് ഭീഷണിപ്പെടുത്തി മോതിരവും മൊബൈല്‍ ഫോണും കവര്‍ന്നെടുത്ത് ഇയാളെ കാറിനുള്ളില്‍ ആളൊഴിഞ്ഞ സ്ഥലത്ത് ഉപേക്ഷിച്ചു കടന്നുകളയുകയുമായിരുന്നു.
പരാതിയുടെ അടിസ്ഥാനത്തിൽ കോസെടുത്ത കറുകച്ചാല്‍ പൊലീസ് ഇരുവരെയും പിടികൂടുകയായിരുന്നു. നിതിന്‍ കുര്യന്‍ പാമ്പാടി സ്റ്റേഷനിലെ ആന്‍റിസോഷ്യല്‍ ലിസ്റ്റില്‍ ഉള്‍പ്പെട്ടയാളാണ്. എസ്എച്ച്ഒ പ്രശോഭ്, എസ്‌ഐ അനുരാജ്, സിപിഒമാരായ അന്‍വര്‍ കരീം, പ്രദീപ്, അരുണ്‍, നിയാസ് എന്നിവര്‍ ചേര്‍ന്നാണ് പ്രതികളെ പിടികൂടിയത്. ഇവരെ കോടതിയിൽ ഹാജരാക്കി.
Post Your Comments