വി​ദേ​ശ​ത്ത് ജോ​ലി വാ​ഗ്ദാ​നം ചെ​യ്ത് പ​ണം ത​ട്ടി​: മുംബൈ സ്വദേശി അറസ്റ്റിൽ

കാ​ല​ടി: വി​ദേ​ശ​ത്ത് ജോ​ലി വാ​ഗ്ദാ​നം ചെ​യ്ത് പ​ണം ത​ട്ടി​യ കേ​സി​ൽ ഒ​രാ​ൾ പൊലീസ് പിടിയിൽ. മ​ഹാ​രാ​ഷ്ട്ര ന​വി മും​ബൈ ഐ​രോ​ളി കോം​പ്ല​ക്സ് ജു​പീ​റ്റ​ർ കി​ഷോ​ർ വെ​നേ​റാം ചൗ​ധ​രി(34)യെ​യാ​ണ് അറസ്റ്റ് ചെയ്തത്. കാ​ല​ടി പൊ​ലീ​സ് ആണ് അ​റ​സ്റ്റ് ചെ​യ്ത​ത്.

ക​ഴി​ഞ്ഞ ന​വം​ബ​റി​ലാ​യി​രു​ന്നു സം​ഭ​വം. അ​സ​ർ​ബൈ​ജാ​നി​ൽ റി​ഗ്ഗി​ൽ ജോ​ലി വാ​ങ്ങി​ത്ത​രാ​മെ​ന്ന് പറഞ്ഞ് വി​ശ്വ​സി​പ്പി​ച്ച് മ​ല​യാ​റ്റൂ​ർ സ്വ​ദേ​ശി സി​ബി​നി​ൽ നി​ന്ന് 1,25,000 രൂ​പ ഗൂ​ഗി​ൾ പേ ​വ​ഴി കൈ​പ്പ​റ്റി​യ ശേ​ഷം ജോ​ലി ന​ൽ​കാ​തെ ക​ബ​ളി​പ്പി​ക്കു​ക​യാ​യി​രു​ന്നു.

Read Also : കേരളീയം നടത്തി പണം ധൂര്‍ത്തടിച്ചത് പോലെ നവകേരള സദസ് നടത്തി വീണ്ടും പണം ധൂര്‍ത്തടിക്കാനാണ് സര്‍ക്കാരിന്റെ ശ്രമം

തു​ട​ർ​ന്ന്, യു​വാ​വ് കാ​ല​ടി പൊ​ലീ​സി​ൽ പ​രാ​തി ന​ൽ​കുകയായിരുന്നു. സം​ഭ​വ​ത്തി​ൽ മും​ബൈ​യി​ൽ ത​ന്നെ താ​മ​സി​ക്കു​ന്ന ഡ​ൽ​ഹി, ഹ​രി​യാ​ന സ്വ​ദേ​ശി​ക​ളാ​യ ര​ണ്ടുപേ​ർ കൂ​ടി പി​ടി​യി​ലാ​കാ​നു​ണ്ട്. കി​ഷോ​റി​നെ മ​ഹാ​രാ​ഷ്ട്ര​യി​ലെ താ​നെ​യി​ൽ നി​ന്നാ​ണ് പി​ടി​കൂ​ടി​യ​ത്.

ഈ ​കേ​സി​ലെ പ്ര​തി​ക​ൾ കാ​ല​ടി പൊ​ലീ​സ് സ്‌​റ്റേ​ഷ​നി​ൽ ര​ജി​സ്റ്റ​ർ ചെ​യ്ത സ​മാ​ന​മാ​യ മ​റ്റൊ​രു ത​ട്ടി​പ്പു കേ​സി​ലും പ്ര​തി​ക​ളാ​ണ്. ഇ​ൻ​സ്പെ​ക്ട​ർ എ​ൻ.​എ അ​നൂ​പ് എ​സ്എ മാ​രാ​യ എം.​സി ഹാ​രി​ഷ്, വി.​കെ. രാ​ജു സി​പി​ഒ​മാ​രാ​യ ഷി​ജോ പോ​ൾ, എ​ൻ.​കെ. നി​ഖി​ൽ, കെ.​എ​സ്. സു​മേ​ഷ് എ​ന്നി​വ​രാ​ണ് അ​ന്വേ​ഷ​ണ സം​ഘ​ത്തി​ലു​ള്ള​ത്. അറസ്റ്റിലായ യുവാവിനെ കോടതിയിൽ ഹാജരാക്കി.