പലസ്തീൻ ജനതയ്ക്ക് ഐക്യദാർഢ്യം: ത്രിപുരയിൽ റാലി സംഘടിപ്പിച്ച് ഇടതുപക്ഷ പാർട്ടി

അഗർത്തല: പലസ്തീൻ ജനതയ്ക്ക് ഐക്യദാർഢ്യം പ്രഖ്യാപിച്ച് ത്രിപുരയിൽ റാലി സംഘടിപ്പിച്ച് ഇടതുപക്ഷ പാർട്ടി. ഗാസയിൽ ഇസ്രയേൽ തുടരുന്ന കൂട്ടക്കുരുതി അവസാനിപ്പിക്കണമെന്നാവശ്യപ്പെട്ടുംപലസ്തീൻ ജനതയ്ക്ക് ഐക്യദാർഢ്യം പ്രഖ്യാപിച്ചും ത്രിപുരയിലെ അഗർത്തലയിലാണ് ഇടതുപക്ഷ പാർട്ടികളുടെ നേതൃത്വത്തിൽ റാലിയും പ്രതിഷേധ യോഗവും സംഘടിപ്പിച്ചത്.

Read Also: ലോകസഭാംഗത്വം റദ്ദാക്കണമെന്ന ശുപാർശ: എത്തിക്‌സ് കമ്മിറ്റിയ്ക്കെതിരെ പരിഹാസവുമായി മഹുവ മൊയ്ത്ര

ഇസ്രായേൽ നടത്തുന്ന വംശഹത്യയ്ക്ക് ധനസഹായവും ആയുധവും പിന്തുണയും നൽകുന്നത് അവസാനിപ്പിച്ച് യുഎസ്എ അടിയന്തര വെടിനിർത്തൽ ഉറപ്പാക്കണമെന്നും പലസ്തീനികൾക്കെതിരായ യുഎസ്-ഇസ്രായേൽ വംശഹത്യയെ അംഗീകരിക്കുന്നത് അവസാനിപ്പിച്ച് അടിയന്തര വെടിനിർത്തലിനുള്ള ആഗോള ആഹ്വാനത്തിൽ മോദി സർക്കാർ ചേരണമെന്നും ഇടതുപക്ഷ പാർട്ടികൾ ആവശ്യപ്പെട്ടു.

Read Also: ഏറ്റവും അധികം ആളുകൾ വാങ്ങുന്ന 8 5G ബജറ്റ് ഫ്രണ്ട്ലി സ്മാർട്ട് ഫോണുകൾ ഏതൊക്കെയെന്ന് നോക്കാം