പ്രാ​യ​പൂ​ർ​ത്തി​യാ​കാ​ത്ത ആ​ൺ​കു​ട്ടി​യെ ലൈം​ഗി​ക പീ​ഡ​ന​ത്തി​നി​ര​യാ​ക്കി: പ്രതിക്ക് 32 വർഷം തടവും പിഴയും

കാ​ഞ്ഞ​ങ്ങാ​ട്: പ്രാ​യ​പൂ​ർ​ത്തി​യാ​കാ​ത്ത ആ​ൺ​കു​ട്ടി​യെ ലൈം​ഗി​ക പീ​ഡ​ന​ത്തി​നി​ര​യാ​ക്കി​യ കേ​സി​ൽ പ്ര​തി​ക്ക് 32 വ​ർ​ഷം ത​ട​വും 60,000രൂ​പ പി​ഴ​യും ശി​ക്ഷ വി​ധി​ച്ച് കോ​ട​തി. തൈ​ക്ക​ട​പ്പു​റം അ​ഴി​ത്ത​ല​യി​ലെ പ​ണ്ടാ​ര​പ്പ​റ​മ്പി​ൽ പി.​പി. മോ​ഹ​നനെ(63)​യാ​ണ് കോടതി ശി​ക്ഷി​ച്ച​ത്. ഹോ​സ്ദു​ർ​ഗ് ഫാ​സ്റ്റ് ട്രാ​ക്ക് സ്പെ​ഷ​ൽ കോ​ർ​ട്ട് ജ​ഡ്ജ് സി. ​സു​രേ​ഷ്‌​കു​മാ​റാ​ണ് പ്ര​തി​യെ ശി​ക്ഷി​ച്ച​ത്.

പി​ഴ അ​ട​ച്ചി​ല്ലെ​ങ്കി​ൽ ആ​റ്മാ​സം അ​ധി​ക ത​ട​വും ശി​ക്ഷ വി​ധി​ച്ചി​ട്ടു​ണ്ട്. 2022 ജ​നു​വ​രി 17-നാ​ണ് സം​ഭ​വം. 13വ​യസു​ള്ള ആ​ൺ​കു​ട്ടി​യെ പീ​ഡി​പ്പി​ച്ച​ കേ​സിലാണ് കോടതി വിധി. പോ​ക്സോ ആ​ക്ട് പ്ര​കാ​ര​വും ഇ​ന്ത്യ​ൻ ശി​ക്ഷാ നി​യ​മ​ത്തി​ലെ വി​വി​ധ വ​കു​പ്പു​ക​ൾ പ്ര​കാ​ര​വു​മാ​ണ് ശി​ക്ഷ വി​ധി​ച്ച​ത്. ശി​ക്ഷ ഒ​ന്നി​ച്ച് അ​നു​ഭ​വി​ച്ചാ​ൽ മ​തി. ബ​ന്ധു വീ​ട്ടി​ലെ ച​ട​ങ്ങി​ന് പോ​കു​ക​യാ​യി​രു​ന്ന കു​ട്ടി​യെ പ്ര​തി​യു​ടെ വീ​ട്ടി​ലേ​ക്ക് വി​ളി​ച്ചു​വ​രു​ത്തി കി​ട​പ്പു​മു​റി​യി​ൽ വെ​ച്ച് ലൈം​ഗി​ക ആ​ക്ര​മ​ണ​ത്തി​നും പ്ര​കൃ​തി വി​രു​ദ്ധ ലൈം​ഗി​ക പീ​ഡ​ന​ത്തി​നും വി​ധേ​യ​മാ​ക്കു​ക​യാ​യി​രു​ന്നു.

Read Also : ജനത്തിന് ഇരട്ടപ്രഹരം നല്‍കി പിണറായി സര്‍ക്കാര്‍, വൈദ്യുതി ചാര്‍ജിന് പിന്നാലെ വെള്ളക്കരവും വര്‍ധിപ്പിക്കുന്നു

പീ​ഡ​ന കാ​ര്യം പു​റ​ത്തു​പ​റ​ഞ്ഞാ​ൽ കൊ​ല്ലു​മെ​ന്ന് പ​റ​ഞ്ഞ് കു​ട്ടി​യെ ഭീ​ഷ​ണി​പ്പെ​ടു​ത്തുകയായിരുന്നു. അ​ന്ന​ത്തെ സ്റ്റേ​ഷ​ൻ ഇ​ൻ​സ്‌​പെ​ക്ട​ർ ആ​യി​രു​ന്ന കെ.​പി. ശ്രീ​ഹ​രി​യാ​ണ് നീ​ലേ​ശ്വ​രം പൊ​ലീ​സ് ര​ജി​സ്റ്റ​ർ​ ചെ​യ്ത കേ​സി​ൽ അ​ന്വേ​ഷ​ണം ന​ട​ത്തി കോ​ട​തി​യി​ൽ കു​റ്റ​പ​ത്രം സ​മ​ർ​പ്പി​ച്ച​ത്. പ്രോ​സി​ക്യൂ​ഷ​ന് വേ​ണ്ടി ഹോ​സ്ദു​ർ​ഗ് സ്പെ​ഷ​ൽ പ​ബ്ലി​ക്‌ പ്രോ​സി​ക്യൂ​ട്ട​ർ എ. ​ഗം​ഗാ​ധ​ര​ൻ ഹാ​ജ​രാ​യി.