കയ്പമംഗലം: ഒന്നാം തീയതിയിലും മറ്റു ഡ്രൈഡേ ദിവസങ്ങളിലും അനധികൃത മദ്യവിൽപന നടത്തുന്നയാൾ എക്സൈസ് റേഞ്ച് സംഘത്തിന്റെ പിടിയിൽ. കയ്പമംഗലം ഡോക്ടർപടി സ്വദേശി ചോറാട്ടിൽ വീട്ടിൽ ബൈജു(48)വിനെയാണ് അറസ്റ്റ് ചെയ്തത്.
കൊടുങ്ങല്ലൂർ എക്സൈസ് റേഞ്ച് ഇൻസ്‌പെക്ടർ എം. ഷാംനാഥും സംഘവും ആണ് അറസ്റ്റ് ചെയ്തത്. ഇയാൾ വിൽപനക്കായി സൂക്ഷിച്ചിരുന്ന അഞ്ച് ലിറ്റർ മദ്യവും പിടിച്ചെടുത്തു. ഡ്രൈഡേ ദിനങ്ങളിൽ മദ്യം ചില്ലറ വിൽപന നടത്തിയിരുന്നതായി എക്സൈസ് സംഘം പറഞ്ഞു. കയ്പമംഗലം മേഖലയിൽ ഇത്തരം അനധികൃത മദ്യവിൽപന നടത്തുന്ന മറ്റ് ആളുകളുടെ വിവരങ്ങൾ ലഭിച്ചിട്ടുണ്ടെന്നും വരും ദിവസങ്ങളിൽ കൂടുതൽ അറസ്റ്റ് ഉണ്ടാകുമെന്നും എക്സൈസ് ഉദ്യോഗസ്ഥർ പറഞ്ഞു.
എക്സൈസ് സംഘത്തിൽ ഉദ്യോഗസ്ഥരായ എസ്. അഫ്സൽ, എ.എസ്. റിഹാസ്, കെ.എം. തസ്‌നിം, കെ. വിത്സൻ എന്നിവരും ഉണ്ടായിരുന്നു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
Post Your Comments