പേരൂര്‍ക്കട: ബൈക്കില്‍ ലിഫ്റ്റ് ചോദിച്ചതിന് യുവാവിനെ മദ്യലഹരിയില്‍ ഉപദ്രവിച്ചയാൾ പൊലീസ് പിടിയിൽ. വട്ടിയൂര്‍ക്കാവ് കാഞ്ഞിരംപാറ അംബിക ഭവനില്‍ നിധീഷ് (23) ആണ് അറസ്റ്റിലായത്. വട്ടിയൂര്‍ക്കാവ് പൊലീസ് ആണ് അറസ്റ്റ് ചെയ്തത്.
Read Also : ലാലു പ്രസാദ് യാദവിന്റെ ജീവിതകഥ സിനിമയാക്കുന്നു, അഭിനേതാക്കളിൽ ഭൂരിഭാഗവും ബോളിവുഡില്‍ നിന്നെന്ന് സൂചന
25-നാണ് കേസിനാസ്പദമായ സംഭവം നടന്നത്. നെട്ടയം ഭാഗത്തു നിന്ന് കാഞ്ഞിരംപാറ ഭാഗത്തേയ്ക്ക് വരികയായിരുന്നു നിധീഷ്. നെട്ടയം കേരള നഗര്‍ സ്വദേശി ജലീല്‍ ജബ്ബാര്‍ (37) ആണ് ആക്രമണത്തിന് ഇരയായത്. ബൈക്കിൽ ലിഫ്റ്റ് ചോദിച്ച ജലീലിനെ അസഭ്യം പറയുകയും പിടിച്ചുതള്ളുകയും കല്ലെടുത്ത് തലയ്ക്കടിക്കുകയും ചെയ്യുകയായിരുന്നു. ജലീലിന്റെ പരാതിയിലാണ് നിധീഷിനെ പൊലീസ് പിടികൂടിയത്.
ഇയാള്‍ മദ്യലഹരിയിലായിരുന്നുവെന്ന് വട്ടിയൂര്‍ക്കാവ് പൊലീസ് പറഞ്ഞു. അറസ്റ്റിലായ പ്രതിയെ കോടതിയില്‍ ഹാജരാക്കി.
Post Your Comments