മലയാളത്തിന്റെ പ്രിയതാരം മമ്മൂട്ടിയുടേതെന്ന പേരില്‍ ഒരു ചിത്രം സോഷ്യല്‍ മീഡിയയില്‍ കഴിഞ്ഞ ദിവസം മുതൽ പ്രചരിക്കുകയാണ്. മമ്മൂട്ടിയുടെ മേക്കപ്പില്ലാത്ത രൂപം എന്ന പേരില്‍ ചുക്കി ചുളുങ്ങിയ മുഖവും നരയും കഷണ്ടിയുമായുള്ള മമ്മൂട്ടിയുടെ ചിത്രമാണ് പ്രചരിക്കുന്നത്. എന്നാല്‍ ചിത്രത്തിനു പിന്നിലെ സത്യാവസ്ഥ വെളിപ്പെടുത്തുന്ന വീഡിയോ ഇപ്പോള്‍ പുറത്തുവന്നിരിക്കുകയാണ്.
read also: ബ്രഷ് വാങ്ങുമ്പോള്‍ ഈ കാര്യങ്ങൾ തീർച്ചയായും ശ്രദ്ധിക്കണം
മമ്മൂട്ടിയുടെ യഥാര്‍ത്ഥ ചിത്രം എഡിറ്റ് ചെയ്തതാണ് പ്രചരിക്കുന്ന ചിത്രം. മമ്മൂട്ടി ഫാൻസിന്റെ ഇന്റര്‍നാഷണല്‍ പ്രസിഡന്റായ റോബര്‍ട്ട് കുര്യാക്കോസ് ആണ് വീഡിയോ പങ്കുവച്ചത്. ‘ഒരുപാടുപേരെ അസൂയപ്പെടുത്തുന്ന നിത്യ യൗവനത്തിന് ചുളിവും നരയും നല്‍കിയ ഡിജിറ്റല്‍ തിരക്കഥയുടെ വഴി: കാലത്തിന് തോല്‍പ്പിക്കാനായില്ല, പിന്നെ അല്ലേ ഫോട്ടോഷോപ്പിന്.’- എന്ന കുറിപ്പിലാണ് വീഡിയോ പോസ്റ്റ് ചെയ്തത്.
ജീവിതത്തില്‍ ഒറ്റപ്പെട്ടുപോകുമ്പോള്‍ എന്ന സന്ദേശമടങ്ങിയ ദീര്‍ഘമായ കുറിപ്പിനൊപ്പമായിരുന്നു മമ്മൂട്ടിയുടെ വ്യാജ ചിത്രം പ്രചരിപ്പിച്ചത്.
Post Your Comments