ആമസോണിൽ ഓർഡറുകൾക്ക് ഉയർന്ന റിവാർഡ് നേടാം! ചെയ്യേണ്ടത് ഇത്രമാത്രം

ഓൺലൈൻ ഷോപ്പിംഗ് പ്ലാറ്റ്ഫോമുകൾ മുഖാന്തരം വിവിധ ഉൽപ്പന്നങ്ങൾക്ക് ഓർഡർ നൽകുന്നവരാണ് മിക്ക ആളുകളും. ഇത്തരത്തിൽ ഓർഡർ ചെയ്യുന്ന ഉൽപ്പന്നങ്ങൾക്ക് റിവാർഡുകളും ലഭിക്കാറുണ്ട്. എന്നാൽ, ഇത്തവണ വിൽപ്പനക്കാർക്ക് റിവാർഡ് നേടാനുള്ള അവസരം ഒരുക്കുകയാണ് ആമസോൺ. റിവാർഡ് നൽകുന്നതിനായി ആമസോൺ സെല്ലർ റിവാർഡ് പ്രോഗ്രാമിനാണ് തുടക്കമിട്ടിരിക്കുന്നത്. പരമാവധി 10 ലക്ഷം രൂപ വരെയുള്ള റിവാർഡുകളാണ് ഒരുക്കിയിരിക്കുന്നത്. ഇതിന് പുറമേ, മെഴ്സിഡീസ് ബെൻസ് കാർ നേടാനും, യൂറോപ്പിലേക്കോ തായ്‌ലന്റിലേക്കോ യാത്ര ചെയ്യാനുള്ള അവസരവും ലഭിക്കും.

‘ദ ഗ്രേറ്റ് ഇന്ത്യൻ റഫറൽ ഓഫറിലാണ്’ ഈ ആനുകൂല്യങ്ങൾ ഉൾക്കൊള്ളിച്ചിരിക്കുന്നത്. ഇവ ലഭിക്കുന്നതിനായി ‘ആമസോൺ സെല്ലർ റിവാർഡ് 2023’ പ്രമോഷനിൽ പങ്കെടുക്കേണ്ടതുണ്ട്. ഒക്ടോബർ 27 വരെയാണ് ദ ഗ്രേറ്റ് ഇന്ത്യൻ റഫറൽ ഓഫർ ഉണ്ടാവുക. വിൽപ്പനക്കാർക്ക് തങ്ങളുടെ സുഹൃത്തുക്കളെ ആമസോൺ ഡോട്ട് ഇന്നിൽ രജിസ്റ്റർ ചെയ്യാനും, റഫർ ചെയ്യാനും സാധിക്കും. ഇത്തരത്തിൽ 11,500 രൂപ വരെ നേടാൻ കഴിയുമെന്നതാണ് മറ്റൊരു പ്രത്യേകത. ഇങ്ങനെ രജിസ്റ്റർ ചെയ്യുന്നവർക്കാണ് റഫറൻസ് നടത്താൻ സാധിക്കുക. ഇതിലൂടെ ഉയർന്ന റിവാർഡ് നേടുന്ന വ്യക്തിയെ വിജയിയായി പ്രഖ്യാപിക്കുകയും, വിവിധ ആനുകൂല്യങ്ങൾ നൽകുന്നതുമാണ്.

Also Read: കൈക്കൂലി ആരോപണം: ബിജെപി എംപി നിഷികാന്ത് ദുബെയ്ക്ക് എതിരെ വക്കീൽ നോട്ടീസ് അയച്ച് മഹുവ മൊയ്ത്ര