കാട്ടാക്കട: കെഎസ്ആർടിസി ഡ്രൈവറെ മർദിച്ച കേസിലെ പ്രതി പൊലീസ് പിടിയിൽ. പുളിയറക്കോണം കുളങ്ങരവിളാകം വീട്ടിൽ സുബ്രമണ്യനെയാണ് അറസ്റ്റ് ചെയ്തത്. വിളപ്പിൽശാല പൊലീസ് ആണ് പിടികൂടിയത്.
Read Also : ഡ്യൂട്ടി കഴിഞ്ഞു വിശ്രമിക്കാൻ പോയ മലയാളി മർച്ചന്റ് നേവി ഉദ്യോഗസ്ഥനെ കപ്പല്‍ യാത്രക്കിടെ കാണാതായി
ഇന്നലെ രാവിലെയാണ് സംഭവം. പുളിയറക്കോണത്തു വെച്ച് ഡ്രൈവറെ ബസിനകത്ത് കയറി ആക്രമിച്ച് പരിക്കേൽപ്പിക്കുകയായിരുന്നു. പുളിയറക്കോണത്ത് റോഡ് സൈഡിൽ തട്ടിട്ട് ലോട്ടറി കച്ചവടം നടത്തിവരികയായിരുന്നു പ്രതി.
ലോട്ടറി തട്ട് മറയ്ക്കുന്ന തരത്തിൽ ബസ് പാർക്ക് ചെയ്തതാണ് മർദ്ദിക്കാൻ കാരണമായത്. ഡ്രൈവർ പേരൂർക്കട മണികണ്‌ഠേശ്വരം സ്വദേശി ജയമോഹനനെയാണ് ആക്രമിച്ചത്. അസഭ്യം പറഞ്ഞ് ബസിനകത്ത് കയറിയ പ്രതി കഴുത്തിൽ കുത്തിപ്പിടിച്ച് മർദ്ദിക്കുകയായിരുന്നു.
അറസ്റ്റിലായ പ്രതിയെ കോടതിയിൽ ഹാജരാക്കി.
Post Your Comments