കുടലിന്റെ ആരോഗ്യം ഏറെ പ്രധാനപ്പെട്ട ഒന്നാണ്. ആമാശയം, ചെറുകുടല്‍, വന്‍കുടല്‍ എന്നിവ ഉള്‍പ്പെടുന്ന ദഹനനാളത്തിന്റെ മൊത്തത്തിലുള്ള ക്ഷേമത്തെയും പ്രവര്‍ത്തനത്തെയും ഇത് സൂചിപ്പിക്കുന്നു. ശരിയായ ദഹനം, പോഷകങ്ങള്‍ ആഗിരണം ചെയ്യല്‍, ശരീരത്തില്‍ നിന്ന് മാലിന്യങ്ങള്‍ നീക്കം ചെയ്യല്‍ എന്നിവ ഇതില്‍ ഉള്‍പ്പെടുന്നു.
കുടലിലെ ദോഷകരമായ ബാക്ടീരിയകളുടെയും രോഗകാരികളുടെയും വളര്‍ച്ചയെ തടയുന്ന ചില തന്മാത്രകള്‍ ഉല്‍പ്പാദിപ്പിച്ച് രോഗപ്രതിരോധ സംവിധാനത്തെ നിയന്ത്രിക്കാന്‍ ഗട്ട് ബാക്ടീരിയ സഹായിക്കുന്നു.
ഓട്സ്…
ഓട്സിന്റെ ഉയര്‍ന്ന ഫൈബര്‍ ഉള്ളടക്കവും പ്രീബയോട്ടിക് ഗുണങ്ങളും ശരീരത്തിന് ഒന്നിലധികം ഗുണങ്ങള്‍ നല്‍കുന്നു. ഓട്സ് ഭക്ഷണത്തില്‍ സ്ഥിരമായി ഉള്‍പ്പെടുത്തുന്നത് രോഗസാധ്യത കുറയ്ക്കാനും കുടലിന്റെ ആരോഗ്യം മെച്ചപ്പെടുത്താനും മലവിസര്‍ജ്ജനം എളുപ്പമാക്കാനും കൂടുതല്‍ നേരം വയറുനിറഞ്ഞതായി തോന്നാനും സഹായിക്കും.
വാഴപ്പഴം…
വാഴപ്പഴം കുടലിനെ പോഷിപ്പിക്കുന്നതിനുള്ള മികച്ചൊരു ഭക്ഷണമാണ്, മാത്രമല്ല ദഹനത്തിനുള്ള ഏറ്റവും മികച്ച ഭക്ഷണങ്ങളിലൊന്നായി അറിയപ്പെടുന്നു. കുടലിലെ നല്ല ബാക്ടീരിയകളെ പോഷിപ്പിക്കാന്‍ സഹായിക്കുന്ന പ്രീബയോട്ടിക് ആയ ഇന്‍സുലിന്‍ എന്ന ഒരു തരം ലയിക്കുന്ന നാരുകള്‍ വാഴപ്പഴത്തില്‍ അടങ്ങിയിട്ടുണ്ട്.
പയര്‍വര്‍ഗങ്ങള്‍…
ഫോളേറ്റ്, ഇരുമ്പ്, ബി വിറ്റാമിനുകള്‍ തുടങ്ങിയ പോഷകങ്ങളാല്‍ സമ്പന്നമാണ് പയര്‍. കുടല്‍ മൈക്രോബയോമിനെ പിന്തുണയ്ക്കാനും കൂടുതല്‍ നേരം നിലനിര്‍ത്താനും കുടലിന്റെ ക്രമം മെച്ചപ്പെടുത്താനും ഹൃദയാരോഗ്യത്തെ പിന്തുണയ്ക്കാനും ഇത് സഹായിക്കുന്നു.
ബെറിപ്പഴങ്ങള്‍…
ബ്ലൂബെറി, റാസ്‌ബെറി, സ്‌ട്രോബെറി തുടങ്ങിയ സരസഫലങ്ങള്‍ കുടലില്‍ നല്ല ബാക്ടീരിയ കൂട്ടാന്‍ സഹായിക്കുന്നു. കുടലിലെ വീക്കം കുറയ്ക്കാന്‍ സഹായിക്കുന്ന ആന്റിഓക്സിഡന്റുകള്‍ പോലുള്ള രോഗങ്ങളെ ചെറുക്കുന്ന ഗുണങ്ങള്‍ അവയില്‍ അടങ്ങിയിട്ടുണ്ട്.
തൈര്…
കുടലിന്റെ ആരോഗ്യത്തിന് മികച്ചൊരു ഭക്ഷണമാണ് തൈര്. തൈരില്‍ പ്രോബയോട്ടിക്സ് ധാരാളം അടങ്ങിയിട്ടുണ്ട്, ഇത് ഗട്ട് മൈക്രോബയോമിനെ ആരോഗ്യത്തോടെ നിലനിര്‍ത്തുന്ന ജീവനുള്ള സൂക്ഷ്മാണുക്കളാണ്.
Post Your Comments