കാത്തിരിപ്പ് അവസാനിച്ചു! വൺപ്ലസ് 11ആർ 5ജിയുടെ റെഡ് എഡിഷൻ ഇതാ എത്തി

ഉപഭോക്താക്കളുടെ കാത്തിരിപ്പുകൾക്കൊടുവിൽ വൺപ്ലസ് 11ആർ 5ജിയുടെ പുതിയ കളർ വേരിയന്റ് അവതരിപ്പിച്ചു. ഇത്തവണ കണ്ണഞ്ചിപ്പിക്കുന്ന സോളാർ റെഡ് കളർ എഡിഷനാണ് വിപണിയിൽ എത്തിച്ചിരിക്കുന്നത്. ആമസോണിന്റെ ഗ്രേറ്റ് ഇന്ത്യൻ ഫെസ്റ്റിവലിൽ റെഡ് എഡിഷൻ വാങ്ങാൻ കഴിയുന്നതാണ്. ഗെയിമിംഗ് ഇഷ്ടപ്പെടുന്നവർക്ക് തിരഞ്ഞെടുക്കാൻ കഴിയുന്ന മികച്ച ഓപ്ഷനുകളിൽ ഒന്നാണ് വൺപ്ലസ് 11ആർ 5ജിയുടെ റെഡ് എഡിഷൻ. ഇവയെ കുറിച്ചുള്ള വില വിവരങ്ങൾ പരിചയപ്പെടാം.

18 ജിബി റാം പ്ലസ് 512 ജിബി ഇന്റേണൽ സ്റ്റോറേജ് ഉള്ള വേരിയന്റാണ് റെഡ് കളറിൽ വാങ്ങാൻ സാധിക്കുക. സോളാർ റെഡ് എഡിഷന്റെ ഇന്ത്യൻ വിപണി വില 45,999 രൂപയാണ്. കൂടുതൽ റാം ഉൾപ്പെടുത്തിയതിനാൽ ദീർഘനേരം ഫോൺ ഉപയോഗിക്കാൻ സാധിക്കും. ഇതിനായി പ്രത്യേക കൂളിംഗ് സിസ്റ്റവും വൺപ്ലസ് ഒരുക്കിയിട്ടുണ്ട്. 150W SUPERVOOC എൻഡ്യൂറന്റ് വയർഡ് ചാർജിംഗ് ഫീച്ചർ ചെയ്യുന്ന 5,000 എംഎഎച്ച് ബാറ്ററി ലൈഫാണ് ഇവയുടെ പ്രധാന പ്രത്യേകത. വെറും 19 മിനിറ്റ് സമയത്തിനുള്ളിൽ ബാറ്ററി 0 ശതമാനത്തിൽ നിന്നും 100 ശതമാനം വരെ ചാർജ് ചെയ്യാൻ സാധിക്കും. പരമാവധി ഒരു ദിവസം വരെയാണ് ബാറ്ററി ലൈഫ് വാഗ്ദാനം ചെയ്യുന്നത്. അതിനാൽ, ഗെയിമർമാർക്ക് മികച്ച ഓപ്ഷനാണ് വൺപ്ലസ് 11ആർ 5ജി എഡിഷൻ.

Also Read: അടിമാലിയില്‍ യുവാവ് ദേഹത്ത് പെട്രോളൊഴിച്ച് തീകൊളുത്തി ആത്മഹത്യക്ക് ശ്രമിച്ചു