പാമ്പാടി: വീട്ടില്‍ അതിക്രമിച്ചുകയറി ഗൃഹനാഥനെ കൊലപ്പെടുത്താന്‍ ശ്രമിച്ച കേസിലും തുടര്‍ന്ന് ബാറില്‍ യുവാവിനെ കൊലപ്പെടുത്താന്‍ ശ്രമിച്ച കേസിലും യുവാവ് അറസ്റ്റിൽ. പാമ്പാടി പുത്തന്‍പുറം അയ്യംപറമ്പില്‍ ഷിജോ ചാക്കോ(മോനായി-47) യെയാണ് അറസ്റ്റ് ചെയ്തത്. പാമ്പാടി പൊലീസ് ആണ് അറസ്റ്റ് ചെയ്തത്.
കഴിഞ്ഞദിവസം രാത്രിയോടെയാണ് സംഭവം. ഇയാളും സുഹൃത്തുക്കളും സംഘം ചേര്‍ന്ന് കാളച്ചന്ത ഭാഗത്ത് താമസിക്കുന്ന ഗൃഹനാഥന്റെ വീട്ടില്‍ അതിക്രമിച്ചുകയറി മുന്‍ വൈരാഗ്യം മൂലം കൊലപ്പെടുത്താന്‍ ശ്രമിക്കുകയായിരുന്നു. ഇതിനുശേഷം ഇവര്‍ തൊട്ടടുത്തുള്ള ബാറില്‍ പൊത്തന്‍പുറം സ്വദേശിയായ യുവാവിനെ ആക്രമിച്ചു കൊലപ്പെടുത്താന്‍ ശ്രമിക്കുകയും ചെയ്തു. യുവാവിനോടും ഇവര്‍ക്ക് മുന്‍ വൈരാഗ്യമുണ്ടായിരുന്നു.
പരാതിയുടെ അടിസ്ഥാനത്തിൽ പാമ്പാടി പൊലീസ് കേസ് രജിസ്റ്റര്‍ ചെയ്യുകയും ഷിജോ ചാക്കോയെ പിടികൂടുകയുമായിരുന്നു. മറ്റു പ്രതികള്‍ക്ക് വേണ്ടിയുള്ള തെരച്ചില്‍ പുരോഗമിക്കുകയാണ്.
Post Your Comments