പ്രീമിയം സെഗ്മെന്റിൽ കിടിലൻ ലാപ്ടോപ്പുമായി ഏസർ, പ്രധാന സവിശേഷതകൾ അറിയൂ

ആഗോള വിപണിയിൽ പ്രത്യേക സാന്നിധ്യമുള്ള ലാപ്ടോപ്പ് ബ്രാൻഡാണ് ഏസർ. ഡിസൈനിലും ഫീച്ചറിലും എപ്പോഴും വ്യത്യസ്ഥത കൊണ്ടുവരാൻ ഏസർ ശ്രമങ്ങൾ നടത്താറുണ്ട്. ബഡ്ജറ്റ് റേഞ്ച് ലാപ്ടോപ്പുകൾ പുറത്തിറക്കുന്നതിനാൽ, ചുരുങ്ങിയ കാലയളവ് കൊണ്ട് കൂടുതൽ ഉപഭോക്താക്കളെ നേടാൻ ഏസറിന് സാധിച്ചിട്ടുണ്ട്. ഇത്തവണ പ്രീമിയം ഉപഭോക്താക്കളെ ലക്ഷ്യമിട്ടാണ് ഏസർ പുതിയ ലാപ്ടോപ്പ് വിപണിയിൽ എത്തിച്ചിരിക്കുന്നത്. ആകർഷകമായ ഡിസൈനിൽ ഒരുക്കിയ ഏസർ പ്രഡേറ്റർ പിഎച്ച്16-71 13th ജെൻ കോർ ഐ7 ലാപ്ടോപ്പാണ് വിപണിയിൽ അവതരിപ്പിച്ചത്. ഇവയെക്കുറിച്ച് കൂടുതൽ പരിചയപ്പെടാം.

16 ഇഞ്ച് ഡിസ്പ്ലേയാണ് ഈ ലാപ്ടോപ്പുകൾക്ക് നൽകിയിരിക്കുന്നത്. 2560×1600 പിക്സൽ റെസലൂഷനാണ് നൽകിയിട്ടുള്ളത്. ബ്ലൂടൂത്ത്, വൈഫൈ കണക്ടിവിറ്റി ഓപ്ഷനുകൾ ഉൾക്കൊള്ളിച്ചിട്ടുണ്ട്. 13th Gen Intel Core i9-13900HX പ്രോസസറിലാണ് പ്രവർത്തനം. Windows 11 ഹോം ഓപ്പറേറ്റിംഗ് സിസ്റ്റമാണ് നൽകിയിട്ടുള്ളത്.

Also Read: കോട്ടയ്ക്കകത്ത് നടക്കുന്ന നവരാത്രി പൂജ, പദ്മനാഭപുരം കൊട്ടാരത്തില്‍ നിന്നുള്ള നവരാത്രി വിഗ്രഹങ്ങളുടെ എഴുന്നള്ളത്ത് 12ന്

16 ജിബി റാം ആണ് ഈ മോഡലിൽ ഉൾപ്പെടുത്തിയിരിക്കുന്നത്. സ്റ്റോറേജ് ഡ്രൈവ് ടൈപ്പ് SSD- യും, സ്റ്റോറേജ് ഡ്രൈവ് കപ്പാസിറ്റി 1 ടിബിയുമാണ്. 6 cell 86 WHr ആണ് ബാറ്ററി ടൈപ്പ്. ലാപ്ടോപ്പിന്റെ ഭാരം 1.91 കിലോഗ്രാം മാത്രമാണ്. ഏസർ പ്രഡേറ്റർ പിഎച്ച്16-71 13th ജെൻ കോർ ഐ7 ഇന്ത്യൻ വിപണി വില 1,69,990 രൂപയാണ്.