തിരുവനന്തപുരം: പൊതുമേഖലാ സ്ഥാപനമായ കേരള സ്റ്റേറ്റ് ഫിനാന്‍ഷ്യല്‍ എന്റര്‍പ്രൈസസ് ലിമിറ്റഡില്‍ (കെ.എസ്.എഫ്.ഇ.) ബിസിനസ് പ്രമോട്ടര്‍ തസ്തികയിലേക്ക് അപേക്ഷ ക്ഷണിച്ചു. പ്രാദേശികാടിസ്ഥാനത്തില്‍ സംസ്ഥാനത്തുടനീളമാണ് നിയമനം.
Read Also: കേരളത്തിലെ സഹകരണബാങ്കുകളിൽ നടന്നത് 5000 കോടി രൂപയുടെ അഴിമതി: ആരോപണവുമായി പി കെ കൃഷ്ണദാസ്
ഒഴിവ്: 3000. യോഗ്യത: പ്ലസ്ടു. പ്രായം: 20-45 വയസ്സ്. കെ.എസ്.എഫ്.ഇ.യുടെ 16 മേഖലാ ഓഫീസുകളുടെ കീഴിലാണ് തിരഞ്ഞെടുക്കപ്പെട്ടു പ്രവര്‍ത്തിക്കേണ്ടത്. കെ.എസ്.എഫ്.ഇ.യുടെ വിവിധ പദ്ധതികളുമായി ബന്ധപ്പെട്ട സേവനങ്ങളാണ് പ്രധാനമായും ചെയ്യേണ്ടത്. ബിസിനസ് പ്രമോട്ടര്‍മാരുടെ വേതനം ഇന്‍സെന്റീവ് അടിസ്ഥാനത്തിലായിരിക്കും.
അപേക്ഷകര്‍ യോഗ്യത തെളിയിക്കുന്ന രേഖകള്‍, പാസ്‌പോര്‍ട്ട് സൈസ് ഫോട്ടോ, ബയോഡാറ്റ എന്നിവ സഹിതം തപാലായി അപേക്ഷ സമര്‍പ്പിക്കണം.
അപേക്ഷിക്കേണ്ട വിലാസം: കെ.എസ്.എഫ്.ഇ. ലിമിറ്റഡ്, ബിസിനസ് വിഭാഗം, ഭദ്രത മ്യൂസിയം റോഡ്, പി.ബി. നമ്പര്‍-510, തൃശ്ശൂര്‍-680020, തപാലില്‍ അപേക്ഷ സമര്‍പ്പിക്കേണ്ട അവസാന തിയതി: ഒക്ടോബര്‍-10
Post Your Comments