പഞ്ചാബിൽ കബഡി താരത്തെ വെടിവെച്ച് കൊലപ്പെടുത്തി, ശരീരഭാഗങ്ങൾ മുറിച്ച് വീടിന് മുന്നിൽ എറിഞ്ഞു; നടുങ്ങി നാട്, വിമർശനം

കപൂർത്തല: ദിവസങ്ങൾക്ക് മുമ്പ് പഞ്ചാബിലെ കപൂർത്തല ജില്ലയിൽ ഒരു കബഡി താരം വെടിയേറ്റ് മരിച്ചിരുന്നു. സംഭവത്തിൽ കൂടുതൽ വിവരങ്ങൾ പുറത്ത്. സംഭവത്തെ ശിരോമണി അകാലിദൾ (എസ്എഡി) തലവൻ സുഖ്ബീർ സിംഗ് ബാദൽ നിശിതമായി അപലപിച്ചു. ആം ആദ്മി പാർട്ടി (എഎപി) നേതാവും പഞ്ചാബ് മുഖ്യമന്ത്രിയുമായ ഭഗവന്ത് മന്നിനും അദ്ദേഹത്തിന്റെ സർക്കാരിനുമെതിരെ എസ്എഡി നേതാവ് പഞ്ചാബിൽ ‘ജംഗിൾ രാജ്’ ഉണ്ടെന്ന് പ്രസ്താവിച്ചു.

കൊല്ലപ്പെട്ട അത്‌ലറ്റിന്റെ അരിഞ്ഞ ശരീരഭാഗങ്ങൾ ഇയാളുടെ വീടിന് മുന്നിൽ കൊലയാളി എറിയുകയും ചെയ്തു. സംഭവത്തിൽ മുഖ്യമന്ത്രി രാജിവെക്കണമെന്ന് ബാദൽ ആവശ്യപ്പെട്ടു. കപൂർത്തലയിലെ ദിൽവാൻ വില്ലിൽ കബഡി യുവതാരം ക്രൂരമായി കൊലചെയ്യപ്പെട്ട വിവരം അറിഞ്ഞപ്പോൾ ഞെട്ടിയെന്നും കൊലപാതകികളുടെ നിർഭയതയുടെ തോത് ഭയപ്പെടുത്തുന്നുവെന്നും അദ്ദേഹം പറഞ്ഞു. ഇത് ഒരു ഒറ്റപ്പെട്ട സംഭവമല്ലെന്നും പഞ്ചാബിൽ സമ്പൂർണ്ണ ജംഗിൾ രാജ് നിലവിലുണ്ടെന്നും അദ്ദേഹം ആരോപിച്ചു. പഞ്ചാബിൽ കൊലപാതകങ്ങളും കൊള്ളയും പിടിച്ചുപറിയും കവർച്ചയും ദൈനംദിന കാര്യമായി മാറുന്നുവെന്നും എസ്എഡി ചീഫ് എക്‌സിൽ എഴുതി.

അതേസമയം കേസിൽ ഇതുവരെ ആരെയും അറസ്റ്റ് ചെയ്തിട്ടില്ലെന്നാണ് റിപ്പോർട്ട്. സുഖ്ബീർ സിംഗ് ബാദൽ വ്യാഴാഴ്ച ആഭ്യന്തര മന്ത്രി അമിത് ഷായെ കാണുകയും ഇരു രാജ്യങ്ങളും തമ്മിലുള്ള തർക്കങ്ങൾ വേഗത്തിൽ പരിഹരിക്കുമെന്ന് പ്രതീക്ഷിക്കുകയാണെന്ന് അറിയിക്കുകയും ചെയ്തു, പഞ്ചാബികൾ ധാരാളം അവിടെ താമസിക്കുന്നുണ്ടെന്നും വഷളായ ബന്ധം അവരെ പരിഭ്രാന്തിയിലാക്കിയെന്നും അദ്ദേഹം അഭിപ്രായപ്പെട്ടു.