കൊച്ചി: നഗരത്തിലെ കടയില്‍ നിന്നു വസ്ത്രങ്ങള്‍ മോഷ്ടിക്കാന്‍ ശ്രമിച്ച രണ്ട് യുവാക്കള്‍ പൊലീസ് പിടിയിൽ. ഫോര്‍ട്ടു കൊച്ചി സ്വദേശി അല്‍താഫ് (25), മട്ടാഞ്ചേരി സ്വദേശി അഷ്‌കര്‍ (25) എന്നിവരെയാണ് അറസ്റ്റ് ചെയ്തത്. എറണാകുളം സെന്‍ട്രല്‍ പൊലീസ് ആണ് അറസ്റ്റ് ചെയ്തത്.
ബുധനാഴ്ച വൈകിട്ട് 5.50-ഓടെ എറണാകുളം എംജി റോഡിലെ സെന്‍റര്‍ സ്‌ക്വയര്‍ മാളിലായിരുന്നു സംഭവം. മാളിലെ റിലയന്‍സ് സെന്ട്രോ എന്ന കടയില്‍ നിന്നു 13,095 രൂപ വില വരുന്ന വസ്ത്രങ്ങളാണ് പ്രതികള്‍ മോഷ്ടിക്കാന്‍ ശ്രമിച്ചത്.
Read Also : ഈ രാജ്യം തന്നെ സ്ത്രീയാണെന്നോർമ്മിപ്പിക്കാൻ 75 വർഷങ്ങൾക്കിപ്പുറത്ത് ‘ആണൊരുത്തൻ’ വരേണ്ടി വന്നു’-ആര്യാലാൽ
സംഭവം ശ്രദ്ധയില്‍പ്പെട്ട ജീവനക്കാര്‍ പൊലീസിനെ വിവരം അറിയിച്ചതോടെ സെന്‍ട്രല്‍ പൊലീസ് സ്ഥലത്തെത്തി പ്രതികളെ പിടികൂടുകയായിരുന്നു. പ്രതികള്‍ക്ക് വിവിധ സ്റ്റേഷനുകളിലായി നിരവധി കേസുകളുള്ളതായി പൊലീസ് പറഞ്ഞു. പ്രതികളെ കോടതിയിൽ ഹാജരാക്കി.
Post Your Comments