ഓഫറുകളുടെ പൂരത്തിന് കൊടിയേറുന്നു! ഫ്ലിപ്കാർട്ട് ബിഗ് ബില്യൺ ഡേയ്സ് സെയിൽ ഉടൻ ആരംഭിക്കും

ഉത്സവ സീസണുകൾ എത്താറായതോടെ ഫ്ലിപ്കാർട്ടിൽ ഓഫറുകളുടെ പൂരത്തിന് കൊടിയേറുന്നു. എല്ലാ വർഷവും നടക്കാറുള്ള ഫ്ലിപ്കാർട്ട് ബിഗ് ബില്യൺ ഡേയ്സിനാണ് ഇത്തവണയും കളമൊരുങ്ങുന്നത്. നിലവിൽ, സെയിലുമായി ബന്ധപ്പെട്ടുള്ള ടീസർ ഫ്ലിപ്കാർട്ട് പങ്കുവെച്ചിട്ടുണ്ട്. ഒക്ടോബർ ആദ്യ വാരം മുതൽ സെയിൽ ആരംഭിക്കാനാണ് സാധ്യത. നിരവധി ഇലക്ട്രോണിക് ഉപകരണങ്ങൾക്കും, ഗൃഹോപകരണങ്ങൾക്കും ആകർഷകമായ കിഴിവുകൾ ലഭിക്കുമെന്ന് ടീസർ സൂചന നൽകുന്നുണ്ട്. ഇതോടെ, ഓൺലൈൻ ഷോപ്പിംഗ് പ്രേമികൾ ഒന്നടങ്കം ആകാംക്ഷയോടെയാണ് സെയിലിനായി കാത്തിരിക്കുന്നത്.

സാംസംഗ് ഗാലക്സി എസ്21 എഫ്ഇ 5ജി, ഐഫോണുകൾ എന്നിവ ഉൾപ്പെടുന്ന പ്രീമിയം ഹാൻഡ്സെറ്റുകൾ എക്കാലത്തെയും കുറഞ്ഞ വിലയിൽ ലഭ്യമാകുമെന്ന് ടീസർ വ്യക്തമാക്കുന്നുണ്ട്. ഏതൊക്കെ ബ്രാൻഡുകൾക്കാണ് ഓഫർ ലഭിക്കുക എന്നത് വ്യക്തമല്ല. എന്നാൽ, ഐഫോൺ ഡീലുകളെ കുറിച്ച് ഒക്ടോബർ 1-ന് വെളിപ്പെടുത്തുമെന്ന് ടീസർ പേജ് സ്ഥിരീകരിച്ചിട്ടുണ്ട്. സാംസംഗ്, റിയൽമി ഡീലുകൾ യഥാക്രമം ഒക്ടോബർ 3, 6 തീയതികളിൽ തത്സമയം അറിയാൻ സാധിക്കും. എന്നാൽ, ഡീലുകൾ അറിയാൻ റെഡ്മി ആരാധകർ ഒക്ടോബർ 7 വരെ കാത്തിരിക്കേണ്ടി വരുന്നതാണ്.

Also Read: പാനൂർ വി​ഷ്ണു​പ്രി​യ കൊലക്കേസ്: വിചാരണ ഇന്ന് മുതല്‍