വൈക്കം: യുവാവിനെ കമ്പിവടി കൊണ്ട് ആക്രമിച്ചു കൊലപ്പെടുത്താന്‍ ശ്രമിച്ച കേസില്‍ ഒളിവിലായിരുന്നയാൾ അറസ്റ്റിൽ. വൈക്കം ചെമ്മനത്തുകര വാഴുവേലില്‍ കൃഷ്‌ണേന്ദു(23)വിനെയാണ് അറസ്റ്റ് ചെയ്തത്. വൈക്കം പൊലീസ് ആണ് അറസ്റ്റ് ചെയ്തത്.
കഴിഞ്ഞ ആറിനു വൈകുന്നേരം തോട്ടകം ഷാപ്പിനു സമീപത്തു വച്ച് ഇയാളും സുഹൃത്തുക്കളും ചേര്‍ന്ന് ഉദയനാപുരം സ്വദേശിയായ യുവാവിനെ കമ്പിവടികൊണ്ട് തലയ്ക്കടിച്ച് കൊലപ്പെടുത്താന്‍ ശ്രമിക്കുകയായിരുന്നു. യുവാവിനോടുണ്ടായിരുന്ന മുന്‍വൈരാഗ്യത്തിന്‍റെ തുടര്‍ച്ചയായാണ് ആക്രമണം നടത്തിയത്.
സംഭവശേഷം പ്രതികൾ ഒളിവിലായിരുന്നു. കേസില്‍ അര്‍ജുന്‍, ആര്‍ഷിദ് മുരളി, ശ്രീജിത്ത് എന്നിവരെ പൊലീസ് പിടികൂടിയിരുന്നു. തുടരന്വേഷണത്തിലാണ് ഒളിവില്‍ കഴിഞ്ഞിരുന്ന കൃഷ്‌ണേന്ദുവിനെ കുമളിയില്‍ നിന്നും പിടികൂടിയത്. പ്രതിയെ കോടതിയിൽ ഹാജരാക്കി.
Post Your Comments