പ്രതിദിനം 2.5 ജിബി ഡാറ്റ! കിടിലൻ പ്ലാനുമായി റിലയൻസ് ജിയോ

ഉപഭോക്താക്കൾ ആകർഷകമായ റീചാർജ് പ്ലാനുകൾ അവതരിപ്പിക്കുന്ന ടെലികോം സേവന ദാതാക്കളാണ് റിലയൻസ് ജിയോ. പ്രീപെയ്ഡ് പ്ലാനുകൾ തിരഞ്ഞെടുക്കുന്നവർക്ക് ആകർഷകമായ ഓഫറുകൾ ജിയോ വാഗ്ദാനം ചെയ്യുന്നുണ്ട്. പ്രതിദിനം 1.5 ജിബി ഡാറ്റ മുതൽ 3 ജിബി ഡാറ്റ വരെ ലഭ്യമാക്കുന്ന നിരവധി പ്ലാനുകൾ ജിയോയ്ക്ക് ഉണ്ട്. ദിവസേന 2.5 ജിബി ഡാറ്റ ആവശ്യമുള്ളവർക്ക് ജിയോ 2 പ്ലാനുകൾ അവതരിപ്പിച്ചിട്ടുണ്ട്. ഒന്നിൽ ഒരു വർഷം മുഴുവൻ വാലിഡിറ്റി കിട്ടുമ്പോൾ, മറ്റേ പ്ലാനിൽ ഒരു മാസമാണ് വാലിഡിറ്റി ലഭിക്കുക. ഈ പ്ലാനുകളെ കുറിച്ച് കൂടുതൽ അറിയാം.

349 രൂപയുടെ പ്രീപെയ്ഡ് പ്ലാൻ

30 ദിവസത്തെ വാലിഡിറ്റി ലഭിക്കുന്നതാണ് 349 രൂപയുടെ റീചാർജ് പ്ലാൻ. പ്രതിദിനം 2.5 ജിബി ഡാറ്റ, 100 എസ്എംഎസ്, അൺലിമിറ്റഡ് വോയിസ് കോളിംഗ് എന്നിവയാണ് ഈ പ്ലാനിന് കീഴിൽ ലഭിക്കുന്ന ആനുകൂല്യങ്ങൾ. ഇതിനുപുറമേ, ജിയോ സിനിമ, ജിയോ ക്ലൗഡ്, ടിവി തുടങ്ങിയ ജിയോ ആപ്പുകളിലേക്കുള്ള സൗജന്യ സബ്സ്ക്രിപ്ഷൻ ലഭ്യമാണ്.

2,999 രൂപയുടെ പ്രീപെയ്ഡ് പ്ലാൻ

ജിയോയുടെ ഏക വാർഷിക റീചാർജ് പ്ലാനാണ് 2,999 രൂപയുടേത്. ഈ പ്ലാനിന് കീഴിൽ 365 ദിവസത്തെ വാലിഡിറ്റി ലഭിക്കുന്നതാണ്. പ്രതിദിനം 100 എസ്എംഎസ്, 2.5 ജിബി ഡാറ്റ, അൺലിമിറ്റഡ് വോയിസ് കോളുകൾ എന്നിവയുണ്ടാകും. ഇതിനോടൊപ്പം മറ്റ് ആപ്പുകളിലേക്കുള്ള സൗജന്യ സബ്സ്ക്രിപ്ഷനും ലഭ്യമാണ്.

Also Read: കൊച്ചി സ്വദേശിയായ യുവാവിനെ ഗോവയില്‍ കൊലപ്പെടുത്തിയ കേസ്: പ്രതികളുമായി അന്വേഷണ സംഘം ഗോവയിലേക്ക്