ഡൽഹി: തെരുവ് നായയെ പീഡിപ്പിച്ചതിന്റെ വീഡിയോ സോഷ്യൽ മീഡിയയിൽ വൈറലായതിനെ തുടർന്ന് ഒരാൾക്കെതിരെ പോലീസ് എഫ്‌ഐആർ ഫയൽ ചെയ്തു. മൃഗാവകാശ സംഘടന നൽകിയ പരാതിയുടെ അടിസ്ഥാനത്തിലാണ് പ്രതിക്കെതിരെ എഫ്‌ഐആർ രജിസ്റ്റർ ചെയ്തത്. ഇയാൾ സ്ഥിരം കുറ്റവാളിയാണെന്നും തെരുവ് നായയെ ബലാത്സംഗം ചെയ്യുന്ന വീഡിയോ സുഭാഷ് നഗറിലെ ഗോഡൗണിന്റെ വാതിലിനു താഴെ നിന്ന് പകർത്തിയിട്ടുണ്ടെന്നും എൻജിഒ അവരുടെ പരാതിയിൽ അവകാശപ്പെട്ടു.
‘പ്രതിക്കെതിരെ ആവർത്തിച്ചുള്ള പരാതികൾക്ക് ശേഷം ഞങ്ങൾ കേസെടുക്കാൻ പോലീസിനെ സമീപിച്ചു. ഞങ്ങൾ ലഭ്യമായ എല്ലാ വിശദാംശങ്ങളും പോലീസുകാർക്ക് നൽകുകയും എഫ്‌ഐആർ രജിസ്റ്റർ ചെയ്യാൻ ആവശ്യപ്പെടുകയും ചെയ്തു,’പീപ്പിൾ ഫോർ ആനിമൽസ് എന്ന എൻജിഒയുടെ സന്നദ്ധപ്രവർത്തകൻ പറഞ്ഞു. പ്രതികൾക്കെതിരെ ഐപിസിയുടെ പ്രസക്തമായ വകുപ്പുകൾ പ്രകാരം എഫ്‌ഐആർ ഫയൽ ചെയ്തു എന്നും എന്നാൽ, എഫ്‌ഐആർ ഉണ്ടായിരുന്നിട്ടും പ്രതിയെ ഇതുവരെ അറസ്റ്റ് ചെയ്തിട്ടില്ലെന്നും അദ്ദേഹം കൂട്ടിച്ചേർത്തു.
Post Your Comments